АБНА24 Хәбәр Верир, Коллектив Тәһлүкәсизлик Мүгавиләси Тәшкилатыннын (КТМТ) баш катиби Зас билдириб ки, бу тәшкилата үзв дөвләтләр Әфганыстанла сәрһәддә вәзијјәтин ҝәрҝинләшәҹәји тәгдирдә Таҹикистана јардым ҝөстәрмәјә даир фикирдә јекдилдирләр.
О дејиб ки, Әфганыстандакы вәзијјәт КТМТ-ни нараһат едир.
КТМТ-нин баш катиби гејд едиб ки, бу гурума үзв олан бүтүн дөвләтләр јекдилликлә үмуми мөвгеләрини бир даһа тәсдигләјирләр. КТМТ-нин ҹәнуб сәрһәдләриндә вәзијјәтин ҝәрҝинләшәҹәји тәгдирдә Таҹикистана бүтүн лазыми һәрби вә дипломатик јардымлар ҝөстәриләҹәк.Гејд едәк ки, 15 мај 1992-ҹи ил тарихиндә әсасы гојулмуш бу һәрби иттифага һазырда Русија, Ермәнистан, Газахыстан, Гырғызыстан вә Таҹикистан үзвдүр.
Хатырладаг ки, ијулун 1-дә Дүшәнбәдә Коллектив Тәһлүкәсизлик Мүгавиләси Тәшкилатына үзвү олан өлкәләрин Парламент ассамблејасы Шурасынын иҹласы олуб вә гәрара алыныб ки, блокда тәрәфдаш өлкәләр институту тәсис едилсин.
Тәклифин мүәллифи Русија Дөвләт Думасынын спикери Вјачеслав Володин дејиб ки, КТМТ илә әмәкдашлыг үчүн бир сыра дөвләтләр мараг ҝөстәрирләр. Дөвләт Думасынын Аврасија интеграсија мәсәләләри үзрә комитәсинин рәһбәри Леонид Калашников исә дејиб ки, бу формата ән чох мараг ҝөстәрән өлкәләр Азәрбајҹан вә Пакистандыр.
342/
16 sentyabr 2021 - 07:49
Xəbər kodu: 1180346
КТМТ-нын Баш катиби Станислав Зас билдириб ки, Әфганыстандакы вәзијјәт тәшкилаты ҹидди нараһат едир.
