АБНА24 Хәбәр Верир, Јапонијада, АБШ-ын "Модерна" пејвәндләринин тәркибиндә чиркли маддәнин тапылмасы илә бағлы хәбәрләрин јајылмасы фонунда бу өлкәнин Сәһијјә Назирлијинин рәсмиләри проблемли флаконларын Токионун јахынлығына јерләшән Ҝома шәһәриндә дә ашкар едилдијиндән хәбәр верибләр. Һәмчинин Јапонијанын ҹәнубунда јерләшән Окинава бөлҝәси дә бир ачыгламада, шәһәрин ваксинасија мәркәзләриндә Модерна пејвәндинин вурулмасынын дајандырылдығыны билдириб.
Дүнән дә Јапонијанын Сәһијјә Назирлији "Модерна" пејвәнди вурулан 2 нәфәрин өлүдүјүнү билдириб.
Һәмчинин Јапонијанын Окинава шәһәриндә дә билдирилиб ки, бу чиркли пејвәндләр перфектуранын пејвәнд мәркәзләринә пајландығы үчүн нөвбәти ачыгламаја гәдәр бу шәһәрдә ваксинасија просеси дајандырылыр.
Јапонијанын ислаһат вә нәзарәт назири дејиб ки, ичәрисиндә хариҹи һиссәҹикләр ашкар едилән бир милјон 600 доза Модерна пејвәндиндән һазырда тәхминән 50 мин дозасы истифадә едилиб.
АБШ-ын Модерна ваксинләри Јапонија үчүн баш ағрысына чеврилдији бир һалда бу өлкәдә ҝүндәлик јолухма сајы да мисли ҝөрүнмәмиш бир шәкилдә артмагдадыр.
Јапонијанын Сәһијјә Назирлијиндән верилән мәлумата ҝөрә, дүнән бу өлкәдә 19 миндән чох инсан коронавируса јолухуб.
342/
31 avqust 2021 - 16:10
Xəbər kodu: 1175298
Јапонија тәркибиндә чиркли маддә ашкарландығы үчүн 1,5 милјон дозадан чох Модерна пејвәндинин истифадәсини дајандырыб.
