АБНА24 Хәбәр Верир, ҸНН АБШ кәшфијјатынын дәјәрләндирмәсинә әсасланараг ады ачыгланмајан АБШ дипломатик мәнбәјинә истинадла мәлумат јајыб.
Билдирилир ки, "Талибан"ын ирәлиләмәсинә гаршы һеч бир аддым атмајан Ҹо Бајден рәһбәрлији исә Кабил сәфирлијиндәки ишчиләрин тәхлијәсинә әһәмијјәт верир.
Диҝәр тәрәфдән, ејни хәбәрә ҝөрә, АБШ-ын Кабилдәки сәфирлијинин әмәкдашларына "бүтүн һәссас материаллары мәһв етмәк" тапшырығы верилдији гејд едилиб.
Сәфирлик ишчиләринә ҝөндәрилән вә ҸНН тәрәфиндән алынан мәлумата ҝөрә, АБШ рәсмиләри сөзүҝедән материалларын пропаганда мәгсәдләри үчүн истифадә едилмәсинин гаршысыны алмагдан өтрү бу истигамәтдә аддым атмаға гәрар верибләр.
Бу арада АБШ пајтахтдакы сәфирлијини Кабилин һава лиманына көчүрмәк үчүн бөлҝәјә һәрби гүввәләр ҝөндәриб. Үч мин нәфәрдән ибарәт һәрби гүввәләр Әфганыстанда јердә галан АБШ вәтәндашларыны вә диҝәр әлагәләли шәхсләри Кабилдән чыхараҹаг вә онлары јербәјер едәҹәкләр.
Диҝәр тәрәфдән Бирләшмиш Милләтләр Тәшкилатынын баш катиби Антониу Гутерреш бу ҝүн Нју-Јоркдакы БМТ Баш Гәрарҝаһында Әфганыстанын бөјүк өлчүдә нәзарәтдән чыхдығыны сөјләјәрәк, "Талибан" һәрәкатыны "хош нијјәтли" данышыглара чағырыб.
"Талибан" вә Әфганыстан тәһлүкәсизлик гүввәләри арасындакы мүбаризәнин шәһәрләрдә "бөјүк зијана сәбәб олдуғуну" сөјләјән Гутерреш ән аз 241 мин инсанын евләриндән гачмаға мәҹбур олдуғуну, хәстәханаларын долдуғуну, әрзаг вә тибби ләвазиматларын түкәндијини сөјләјиб.
342/
14 avqust 2021 - 16:17
Xəbər kodu: 1169604
АБШ кәшфијјатынын "Талибан"ын Әфганыстанын пајтахты Кабили 3 ҝүн илә 1 һәфтә аралығында мүһасирәјә ала биләҹәји истигамәтиндә дәјәрләндирмә етдији билдирилиб.
