АБНА24 Хәбәр Верир, Ливан Һизбуллаһынын баш катиби Сејид Һәсән Нәсруллаһ "Хәлдә" бөлҝәсиндә баш верән һадисәләрә мүнасибәт билдирәркән, дејиб: "Бәзиләри Һизбуллаһла дөјүшмәк үчүн силаһ ҝәтирмәк нијјәтиндәдирләр, амма биз дүшмәнин планлашдырдығы истигамәтә ҝетмијәҹәјик".
Гејд едәк ки, силаһлы шәхсләр ҹари һәфтәнин шәнбә ҝүнү Бејрутун ҹәнубунда јерләшән "Хәлдә" бөлҝәсиндә, Ливан Һизбуллаһынын үзвү шәһид "Әли Шәбли"нин дәфн мәрасиминдә иштирак едәнләрә доғру атәш ачдылар ки, нәтиҹәдә 4 нәфәр өлдүрүлдү, 10 нәфәр исә јараланды.
Сејиһ Һәсән Нәсруллаһ сөзләринин давамында бу һәрәкатын гаршыдурмаја сүрүкләнмәсинин дүшмәнин вәтәндаш мүһарибәси башлатма гәрары анламына ҝәлдијини билдирәрәк, әлавә едиб: "Дүшмәнләрин фитнәләри Ливанын кечмиш баш назири Сәәд Һәриринин Әрәбистанда һәбс едилмәсиндән сонра башлајыб".
Сәәд Һәрири 2017-ҹи ил нојабрын 4-дә Әрәбистанынын Әр -Ријад шәһәриндә демәк олар ки, һәбс едилди вә сәуд режиминин тәзјиги илә истефа верди.
342/
4 avqust 2021 - 17:08
Xəbər kodu: 1166543
Ливан Һизбуллаһынын баш катиби өлкәни вәтәндаш мүһарибәсинә сүрүкләмәк үчүн дүшмәнин фитнәси барәдә хәбәрдарлыг едиб.
