АБНА24 Хәбәр Верир, бу ҝүн Азәрбајҹан Республикасы Милли Мәҹлисинин Интизам Комиссијасынын иҹласы кечирилиб.
иҹласда Баш прокурор Камран Әлијевин “Азәрбајҹан Республикасы Милли Мәҹлисинин депутаты Елдәниз Адил оғлу Сәлимовун тохунулмазлығына хитам верилмәси һаггында” Милли Мәҹлисә тәгдиматына бахылыб.
Е. Сәлимов иҹласда чыхыш едәрәк әмәлини етираф едиб, үзр истәјиб.
Интизам комиссијасы Милли Мәҹлисинин депутаты Елдәниз Сәлимовун тохунулмазлығына хитам верилмәси һаггында рәј гәбул едиб вә мәсәлә парламентин сабаһ кечириләҹәк иҹласына төвсијә олунуб.
2015-ҹи илдән Милли Мәҹлисин депутаты олан Елдәниз Сәлимов ијулун 29-да ҝеҹә 12-дән сонра Хачмаз шәһәриндә јерләшән гоһумуна мәхсус иашә објектиндә карантин режими гајдаларына ујғун олараг објектин бағланмасыны тәләб едән полис әмәкдашларына етираз едәрәк мүнагишә јарадыб. Сәрхош вәзијјәтдә олан депутатион полиси дөјдүјү вә гејри-рәсми мәлуматлара ҝөрә өлкә рәһбәрләринә гаршы сөјүшләр сөјләдији дејилир.
Јүксәк сәвијјәли дөвләт мәмурлары вә депутатларын карантин гајдаларыны позмалары барәдә кечмишдә дә бир нечә фактын үстү ачылмышды. Вахты илә Прзидент Администрасијасынын кечмиш рәһбәри Рамиз Меһдијевин пандемијанын ән ҝениш јајылдығы вә карантин режиминин ән сәрт тәтбиги заманында өз оғлуна тәнтәнәли тој тутмасы вә һәмин тојда вәзифәли адамлар о сырадан һаким партијанын парламентдәки мәшһур депутатларынын иштиракы өлкәдә ҝениш реаксијалара сәбәб олмушду.
342/
2 avqust 2021 - 19:01
Xəbər kodu: 1165923
Милли Мәҹлисин Интизам Комиссијасы Милли Мәҹлисин депутаты Елдәниз Сәлимовун тохунулмазлығына хитам верилмәси һаггында рәј гәбул едиб
