АБНА24 Хәбәр Верир, Фәләстинин Ислами Ҹиһад Һәрәкаты сијаси бүросунун үзвү Халид Әл-Бәтш фәләстинли ушагларын вә јенијетмәләрин сионист режим тәрәфиндән өлдүрүлмәсинә реаксијада дејиб: "Бу режим торпагларымызы ишғал етмәјә давам етдији мүддәтҹә даими ҹиһад олаҹаг, чүнки фәләстинлиләр әразиләринин бир гарышындан белә ваз кечмәјәҹәкләр."
"Гүдс Гылынҹы" дүјүшүнүн ишғалчы сионист режимлә сон дөјүш олмадығыны бәјан едән Әл-Бәтш әлавә едиб: "Гүдс Гылынҹы" дөјүшүнүн нәтиҹәләри һәлә дә давам едир вә сионист режимин Гәззәнин мүһасирәсини ҝүҹләндирмәклә һансыса бир уғур газанмаға чалышмасына рәғмән, о, уғурсуз олаҹаг".
Сионист режим һәрбчиләри шәнбә ҝүнү Гүдсдә јерләшән Шејх Ҹәрраһ мәһәлләсинин ҝиришләрини там бағладылар вә фәләстинлиләрин бу мәһәлләјә ҝиришинә мане олдулар. Фәләстин халгындан бир групу аксија кечирәрәк, Гүдсүн бу бөлҝәсиндә мәһдудијјәтләрин арадан галдырылмасыны вә Шејх Ҹәрраһ сакинләринин мәҹбури көчүрүлмәсинин ләғв едилмәсини тәләб едибләр".
Бу елә бир һалдадыр ки, мајын 10-да сионист режимин Шејх Ҹәрраһ мәһәлләсини бошалтмаг вә сонра фәләстинлиләрин евләрини дағытмаг ҹәһдләри халг үсјанына, сонра исә 12 ҝүнлүк "Гүдс Гылынҹы" адлы мүһарибәјә сәбәб олду ки, онун ҝедишатында сионист сакинли шәһәр вә гәсәбәләр мүгавимәт групларынын ракетләринин атәши алтында иди.
342/
2 avqust 2021 - 18:58
Xəbər kodu: 1165920
Фәләстинин Ислами Ҹиһад Һәрәкаты сијаси бүросунун үзвү дејиб: "Сионист режим јанлыш олараг, мүгавимәти мәғлуб едә биләҹәјини дүшүнүрдү, амма мүгавимәтин имканлары ону тәәҹҹүбләндирди".
