АБНА24 Хәбәр Верир, сахланыланларын јахынлары билдирир ки, Әли Рзајев вә Илгар Әзимзадә 20 сутка, Әли Мәммәдов илә Шәһријар Рзајев исә 18 сутка инзибати һәбс ҹәзасы алыблар.
Һадисә иштиракчыларынын дедијнә ҝөрә, Илгар Әзимзадәнин евиндә Гәдир-Хум ҝүнү мүнасибәтилә тәшкил олунан мәрасимә мүдахилә онларын тәһгири вә дөјүмәси илә мүшаһидә олунуб.
Бундан сонра иштиракчыларын һамысы полис тәзјиги алтында машынлара миндириләрәк баш идарәјә апарылыблар.
Јаранан сәс-күјә јығылан әтраф гоншулар полисин сәрт давранышына етираз етсәләр дә, онлар да кобуд мүдахилә илә гаршылашыблар.
Ҝеҹә физики зор тәтбиг едиләрәк сахланылан шәхсләрин бөјүк әксәријјәти ијул ајынын 30-у тарихиндә полис идарәсиндән бурахылса да, Илгар Әзимзадә, Әли Мәммәдов, Әли Рзајев вә Шәһријар Рзајев сахланылыблар.
Полис идарәсиндә онлара ҹинајәт мәҹәлләсинин хулиганлыг, һакимијјәт нүмајәндәсинә хидмәти вәзифәләрини јеринә јетирәркән зор тәтбиг етмәклә мүгавимәт ҝөстәрмә вә дини гурумларын јарадылмасы вә фәалијјәт гајдасынын позулмасы маддәләри илә иш ачылараг мәһкәмәјә ҝөндәрилиб.
342/
1 avqust 2021 - 19:21
Xəbər kodu: 1165599
Ләнкәранда Гәдир-Хум бајрамыны кечирән диндарлардан бир групу һәбс едилиб.
