Роберт Маллеј: "Ирана гаршы максимум тәзјиг сијасәти фиаскоја уғрајыб"

АБНА24 Хәбәр Верир, АБШ-ын Иран мәсәләләри үзрә хүсуси нүмајәндәси буну "МСНБС" телеканалына вердији мүсаһибәдә сөјләјиб.

Мүсаһибәнин әввәлиндә верилишин апарыҹысы Меһди Һәсән Роберт Маллејә сүал верир ки, АБШ нүвә анлашмасындан чыхан илк тәрәф кими, илк она гајытмалы дејилми?

Меһди Һәсән дејиб: "Сизә Вјана данышыглары барәдә суал вермәклә башламаг истәјирәм. Иран сон тәклифи рәдд едиб вә бәзиләри бунун баша дүшүлән олдуғуну сөјләјирләр. Мән бу верилишдә бир нечә һәфтә әввәл АБШ Сенатынын Хариҹи Әлагәләр Комитәсинин үзвү демократ сенатор Крис Морфи илә сөһбәт етдим вә о деди ки, нүвә анлачмасындан ајрылан илк тәрәф биз олдуг, она ҝөрә дә ҝери гајыдан илк тәрәф биз олмалыјыг. Онун фикри доғрудур дејилми? Илк аддымы атыб, разылашмаја јенидән гошулмаг бизим үзәримизә дүшүб, чүнки ондан илк чыхан АБШ иди.

АБШ-ын Иран мәсәләләри үзрә хүсуси нүмајәндәси "МСНБС" телеканалынын апарыҹысына белә ҹаваб вериб: "Бизә белә бир шәраит мирас галды вә президент Бајден, вәзијјәти битирмәли олдуғумуза гәрар верди, бу мирас һәмин Трамп администрасијасынын Ирана гаршы тәтбиг етдији максимум тәзјиг кампанијасы иди ки, дәһшәтли шәкилдә фаискоја уғрады вә АБШ-ын марагларына зијан вурду".

Роберт Маллеј сөзләринин давамында әлавә едиб: "Биз ачыг шәкилдә анлашмаја гајытмаға һазыр олдуғумузу сөјләмишик, әҝәр онлар да һазырдырларса үзәрләринә дүсәни етмәлидирләр. Башга сөзлә десәк, әҝәр онлар 2016-ҹи илдә имзаланан нүвә анлашмасы үзәриндәки өһдәликләринә ҝери дөнсәләр, биз санксијалары ләғв едәҹәјик вә бу тәклиф, аз-чох һәмишә маса үзәриндә олубдур. Һеч заман онунла бағлы разылыг әлдә едилмәјиб, амма бунлар бизим ирәли сүрдүјүмүз идејаларды. Данышыгларын бүтүн мәрһәләләриндә АБШ-ын ирәли сүрдүјү белә идејалар мөвҹуд иди, һансы ки, Трампын нүвә анлашмасына зидд олараг, тәтбиг етдији бүтүн санксијаларын Иранын нүвә өһдәликләринә ҝери дөнмәси гаршылығында ләғв едилмәли олдуғуну сөјләјирди.

342/