Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Инҝилтәрәнин Баш назири Борис Ҹонсон, өлкәнин парламент үзвләринә Инҝилтәрәнин Әфганыстандакы һәрби миссијасынын битдијини ачыглајыб.
Мәлумата ҝөрә, Инҝилтәрәнин Әфганыстандакы ишғалы 20 илдән сонра сона чатды.
Борис Ҹонсон, Иҹмалар Палатасына вердији ачыгламада, Инҝилис әсҝәрләринин чохунун Әфганыстандан ҝетдијини вә өлкәни јенидән гурмағын бејнәлхалг бирлијин вә гоншу өлкәләрин көмәјинә еһтијаҹ дујдуғуну сөјләди.
Инҝилтәрәнин Әфганыстандакы һәрби варлығынын сона чатмасы илә әлагәдар олараг, Инҝилтәрә баш назири, АБШ рәһбәрлијиндәки коалисијанын 20 ил әввәл Әфганыстана ҝәтиздирән тәһдидин һазырда әһәмијјәтли дәрәҹәдә азалдығыны иддиа етди (!).
О, бу өлкәдәки һәрби варлығын һеч вахт әбәди галмаг нијјәтиндә олмадығыны сөјләди. “Биз вә НАТО мүттәфигләримиз гүввәләримизи Әфганыстандан чыхараҹагдыг вә тәк суал бунун нә вахт баш верәҹәјиндә иди.”- дејә Ҹонсон билдириб.
Инҝилтәрә Баш Назири, НАТО миссијасы чәрчивәсиндә Әфган әсҝәрләринә тәлим кечән 750 Инҝилис әсҝәринин Әфганыстандан ајрылаҹағыны ачыглады. Лакин тәһлүкәсизлик сәбәби илә бу гүввәләрин ҝедиш вахтыны дәгигләшдирмәјиб.
Борис Ҹонсон бу гәрарын Ҹо Бајденин АБШ әсҝәрләринин Әфганыстандан чыхаҹағыны вә ардындан да НАТО гошунларынын өлкәдән чыхарылмасыны елан етмәсиндән сонра верилдијини сөјләди.
Инҝилис медиасынын тәхминләринә ҝөрә, сон ијирми илдә АБШ-ын башчылығы илә Әфганыстанда башладылан мүһарибәдә Инҝилтәрәнин һәрби иштиракы 457 Инҝилис әсҝәрини өлдүрүлмәсинә сәбәб олуб.
АБШ вә диҝәр Гәрб мүттәфигләри, 11 сентјабр һүҹумларындан сонра террорла мүһарибә бәһанәси илә 7 октјабр 2001-ҹи илдә Әфганыстана һүҹум едәрәк бу өлкәни ишғал етдиләр.
Диггәт: Хәбәрдән Истифадә Етдикдә Мәнбәјә Истинад Лазымдыр!
