АБНА24 Хәбәр Верир, бу ҝүн Азәрбајҹан Дөвләт Ҝөмрүк Комитәсинин сәдри Сәфәр Меһдијев Иранын Ҝөмрүк Администрасијасынын президенти Меһди Мирәшрәфи илә онлајн форматда ҝөрүшүб.
Комитәнин јајдығы мәлуматда дејилир ки, сәдр ики өлкә арасындакы меһрибан гоншулуг вә әмәкдашлыг мүнасибәтләриндән мәмнунлугла бәһс едиб, ҝөмрүк органларынын да гаршылыглы әлагәләрин инкишафында мүһүм рол ојнадығыны вурғулајыб. С.Меһдијев сәрһәдкечмә просесләринин сүрәтләндирилмәси, транзит имканларынын ҝенишләндиримәси истигамәтиндә мөвҹуд әмәкдашлығын даһа да инкишаф етдирилмәсинин зәрурилијини вурғулајыб.
О, хүсусилә пандемија дөврүндә, һәм ҝөмрүк хидмәти рәһбәрләри сәвијјәсиндә, һәм дә сәрһәд-ҝөмрүк бурахылыш мәнтәгәләриндә мүтәмади характер алан икитәрәфли ҝөрүшләрин ики өлкәнин ҝөмрүк саһәси үзрә мөвҹуд әмәкдашлығынын давамлы инкишафына мүсбәт тәсириндән данышыб.
М.Мирәшрәфи исә ики өлкә арасындакы тарихи-мәдәни әлагәләрдән, сосиал-игтисади саһәдәки ишҝүзар мүнасибәтләрдән данышыб, гаршылыглы әлагәләрин ҝүҹләндирилмәси истигамәтиндә ҝөмрүк органларынын ролуну хүсуси вурғулајыб.
Иранын дөвләт рәсмиси билдириб ки, транзит јүкләрин дашынмасы истигамәтиндә әмәкдашлығын даһа да ҝүҹләндирилмәси ики өлкә әразисиндән кечән нәглијјат дәһлизләринин ҹәлбедиҹилијинин артмасына, реҝионал инкишафа мүһүм төһфә верә биләр вә бу истигамәтдә ҝөмрүк органларынын үзәринә мүһүм вәзифәләр дүшүр.
342/
6 iyul 2021 - 15:29
Xəbər kodu: 1157583
Иран вә Азәрбајҹанын ҝөмрүк тәшкилатларынын рәһбәрләри онлајн форматда ҝөрүшүбләр.
