Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Иран Ислам Республикасынын Бирләшмиш Милләтләр Тәшкилатындакы Сәфири вә Даими Нүмајәндәси Тәһлүкәсизлик Шурасынын президентинә јаздығы бир мәктубда АБШ-ын Сурија вә Ирагда һәјата кечирдији һәрби әмәлијјатларыны бу өлкәләрин сүверенлијинә гаршы аддым кими гијмәтләндириб.
АБШ-ын БМТ-дәки сәфиринин сон мәктубуна ҹаваб олараг Мәҹид Тахт Рәванчи Ирана гаршы иттиһамлары рәдд едәрәк, сон заманларда АБШ-ын Сурија вә Ирагдакы һүҹумларыны БМТ Низамнамәсини позма кими гәләмә вериб.
АБШ-ын БМТ-дәки сәфири Линда Тһомас-Ҝреенфиелд бу јахынларда Тәһлүкәсизлик Шурасына ҝөндәрдији бир мәктубда АБШ-ын Ираг-Сурија сәрһәдинә ендирдији сон һава һүҹумларынын “Иран дәстәкли милис” ләрин АБШ персоналына вә објектләринә һүҹумларынын гаршысыны алмаг мәгсәди дашыдығыны иддиа етмишдир.
Мәҹид Тахт Рәванчи Тәһлүкәсизлик Шурасынын президентинә јаздығы мәктубда кечмишдә дәфәләрлә, о ҹүмләдән Тәһлүкәсизлик Шурасынын президентинә ҝөндәрдији мәктубларында Иран Ислам Республикасынын һәр һансы бир тәшкилат вә ја шәхсин Ирагдакы АБШ персоналына вә ја објектләринә гаршы һәр һансы силаһлы һүҹумунда бирбаша вә ја долајы јолла әлагәли олмадығыны билдирмишдир.
Буна ҝөрә дә, ачыг шәкилдә бу ҹүр иттиһамы Ирана аид етмәк ҹәһдинин сәһв олдуғуну вә буну сүбут етмәк үчүн АБШ тәрәфинин ән ачыг етибарлы мәлуматдан белә мәһрум олдуғуну вә онлары иттиһамларынын тамамилә әсассыз олдуғуну сөјләјән Мәҹид Тахт Рәванчи вурғулајыб: "Бу сәбәбдән бу ҹүр иддиалары гәти шәкилдә рәдд едирик."
Тахт Рәванчи вурғулајыб: “Иран Ислам Республикас АБШ-ын Сурија вә Ирага 27 ијун тарихиндә етдији ганунсуз һәрби һүҹумуна һагг газандырмаг үчүн БМТ Низамнамәсинин 51-ҹи маддәсини өзбашына шәрһ етмәсини гәти шәкилдә рәдд едир вә БМТ Низамнамәси вә ики өлкәнин (Сурија вә Ирагын) суверенлијини позан бу ганунсуз һәрәкәтләри шиддәтлә гынајыр.”
Диггәт: Хәбәрдән Истифадә Етдикдә Мәнбәјә Истинад Лазымдыр!
