АБНА24 Хәбәр Верир, Руһани нефт сәнајеси ишчиләринин маашлары һаггында дејиб: "Нефт сәнајесинин шәрәфли ишчиләринә проблемләрини һәлл едәҹәјимә сөз верирәм. Алаҹаглары әмәк һаггы вә мааш илә бағлы мәһдудијјәтлә үзләшәҹәкәлинә иҹазә вермәјәҹәјик вә әҝәр бәзи јерләрдә бүдҹә гајдаларына ҝөрә мәһдудијјәт јараныбса, буну онлар үчүн һәлл едәҹәјик".
Иран президенти дејиб: "Анҹаг бәзи ишчиләр подратчыларын сәрәнҹамындадыр. Нефт бөлҝәләриндә бир чох подратчы фәалијјәт ҝөстәрир вә онларын бир груп ишчиләри вар. Әҝәр проблемләри варса, әмәк назиринә онларын проблемләрини изләјиб, һәлл етмәсини тапшыраҹағам".
"Әлбәттә ки, бу проблемин нефт сектору илә һеч бир әлагәси јохдур. Онлар нефт бөлҝәләриндә ишләјә биләр, амма бу, ишчиләр вә подратчыларын мәсәләсидир вә онлар буну һәлл етмәлидирләр. Әмәк Назирлији бу истигамәтдә мәсәләни изләсин вә һәлл етсин" , - дејә о, әлавә едиб.
Руһани вурғулајыб: "Нефт вә нефт мәһсулларынын истеһсалы, көчүрүлмәси, пајланмасы вә ја ихраҹында һеч бир проблемин олмадығыны вә олмајаҹағыны билдирирәм. Бәзи анти-Иран пејкләри бунунла бағлы тәблиғат апарырлар ки, гејри-дүзҝүн вә сәһвдир".
342/
30 iyun 2021 - 20:15
Xəbər kodu: 1155615
Һөҹҹәтүлислам Һәсән Руһани бу ҝүн Назирләр Кабинетинин иҹласында нефт сәнајесинин бир груп ишчисинин мәишәт проблемләринә тохунараг, бу проблемләри һәлл едәҹәјинә сөз вериб.
