Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Јапоијалы Ираншүнас вә Токијо университетинин мүәллими доктор Рјо Ичи Суҝи Јама, Иранын Јапонијадакы сәфирлијинин рајизәниси (мәдәни әлагәләр) идарәси вә Имам Рза (ә) Мәдәнијјәти адлы Бејнәлхалг Мәдәнијјәт Фонду тәрәфиндән Ислам Мәдәнијјәти вә Әлагә Тәшкилатынын өлкә хариҹиндә јашајан иранлыларын ишләри вә Мәдәнијјәт Әмәкдашлығын Баш Идарәсиндә кечирилән 19-ҹу Имам Рза (ә) Бејнәлхалг Фестивалында “Рәзәви Мәдәнијјәтинин Нүмунә Тәдгигатчысы” титулуна лајиг ҝөрүлүб.
Кәрамәт Онҝүнлүјү илә әлагәдар Имам Рзанын (әлејһи сәлам) виладәтинин илдөнүмү әрәфәсиндә Иранын Јапонијадакы Сәфирлијин Мәдәни Әлагәләр идарәсиндә кечирилән мәрасимдә сәфирлијин мәдәни әлагәләр үзрә нүмајәндәси ҹәнаб Дијусалар Иран Ислам Республикасынын мәдәнијјәт вә ислами иршад назири доктор Салеһи вә Имам Рза (ә) Бејнәлхалг Мәдәнијјәт Фондунун президенти Мәһмуд Рза Бәразеш тәрәфиндән бу фондун һәдијјә вә тәгдир лөвһәсини доктор Рјо Ичи Суҝи Јамаја тәгдим едибләр.
Доктор Рјо Ичи Суҝи Јама да өз нөвбәсиндә Иранын Јапонијадакы сәфирлијинин мәдәнијјәт вә ислами иршад идарәсинин нүмајәндәси илә ҝөрүшүндә Иранын мәдәнијјәт вә ислами иршад назири доктор Салеһијә вә Имам Рза (ә) Бејнәлхалг Фондунун мүдири мүһәндис Мәһмуд Рза Бәразешә тәшәккүрүнүн чатдырылмасыны билдириб.
Рјо Ичи Суҝи Јама өзүнүн арашдырма вә тәдгигат тарихчәсинә тохунараг дејиб: “Фәхр едирәм ки, Иран Ислам Республикасы вә Имам Рза Бејнәлхалг Фонду тәрәфиндән мәһз мән бу тәгдирнамәјә лајиг ҝөрүлмүшәм. Буна ҝөрә дә Иран Һөкүмәти вә бу фонда сәмими гәлбдән өз тәшәккүрүмү билдирирәм. Бу мүддәт әрзиндә бүтүн јапонилајы һәмкарларым вә иранлы достларым мәни тәбрил едибләр. Һеч бир шеј мәни бу һәддә вәҹдә ҝәтирә билмәзди. Мүтләг бүндан сонра Имам Рза (әлејһи сәлам), Мәшһәд вә Гүдси Рәзәви Идарәси барәсиндә тәдгигтларымы даһа да ҝенишләндирәҹәјәм...”
Диггәт: Хәбәрдән Истифадә Етдикдә Мәнбәјә Истинад Лазымдыр!
