АБНА24 Хәбәр Верир, Америка президентинин милли тәһлүкәсизлик үзрә мүшавири Ҹејк Салливан журналистләрә билдириб ки, дөвләт башчыларынын ҝөрүшүндә Гарабағ мәсәләси илә јанашы, һәмчинин Сурија, Иран вә Әфганыстан мөвзулары диггәт мәркәзиндә олаҹаг.
Бајденлә Әрдоғанын тәкбәтәк ҝөрүшүнүн деталларыны ачыглајан Ағ Ев рәсмиси "ики лидерин Аралыг дәнизинин шәрги, Сурија, Иран, Гарабағ кими реҝионал мәсәләләрә даир ҝениш вә әһатәли ҝүндәлији олаҹаг”, - дејә билдириб.
Хатырладаг ки, Ҹ.Бајден Республика Ҝүнү мүнасибәтилә Азәрбајҹан президентинә јаздығы мәктубда “Гарабағ мунагишәси”-нин узунмүддәтли һәллини тәләб етмишди.
Мәктубда Бајден өлкәсинин Дағлыг Гарабағ мүнагишәсинин һәллини 30 илә јахын мүддәтдә узатмыш Минск Групунун һәмсәдри олдуғуну хатырладараг мүнагишәнин узунмүддәтли сијаси һәллинә даир данышыгларда көмәк етмәјә садиг олдуғуну билдирмишди.
Сијаси чеврәләрдә белә тәәссүрат јараныб ки, АБШ президенти Гарабағ мүнагишәсинин һәлә дә мөвҹудлуғуна ишарә етмәклә, һәмсәдр өлкә кими бу јөндә фәаллыгларыны артыраҹагларына ејһам вурур.
Азәрбајҹанда исә һесаб едирләр ки, АБШ-ын сијаси һәлл јолундан данышмагда мәгсәди рәсми Бакыја тәзјиг ҝөстәрәрәк Ермәнистаны руһландырмагдыр. Бу истигамәтдә һәтта Азәрбајҹана гаршы санксијаларын тәтбиг олунмасы белә истисна едилмир.
342/
8 iyun 2021 - 10:51
Xəbər kodu: 1148689
АБШ президенти Ҹозеф Бајден ијунун 14-дә НАТО саммитиндә Түркијә Президенти Рәҹәб Тәјјиб Әрдоғанла Гарабағ мәсәләсини мүзакирә едәҹәк.
