Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Дүнја Мүсәлманларынын Али Тәглид МӘрҹәси Ајәтуллаһ Насир Мәкарим Ширазинин бөјүк гардашы фани дүнја илә видалашараг әбәдијјата говушуб.
Мәлуматымыза ҝөрә, мәрһум Һаҹ Әзиз Мәкарим Ширази бу ҝүн, Чаршәнбә Ахшамы, 01 Ијун, 2021 тарихдә дүнјасыны дәјишиб.
Һиҹри Шәмси тарихи илә 1303-ҹү илдә дүнјаја ҝөз ачмыш мәрһум Һаҹ Әзиз Мәкарим Ширази бу ҝүн 97 јашында Аләмләрин Рәббинә Ләббејк дејиб.
Хатырладаг ки, мәрһум һаҹ Әзиз Мәкарим Иран Ислам Республикасынын Хариҹи Ишләр Назирлијинин Гум шәһәри үзрә офисинин сабиг сәдри вә Иран Ислам Республикасынын Ирагын Нәҹәф Әшрәф шәһәриндәки Кечмиш Баш Консулу ҹәнаб Һәмид Мәкарим Ширазинин атасыдыр.
Гејд едәк ки, мәрһум Һаҹ Әзиз Мәкаримин Ширазда јерләшән хәстәханаларын бириндә дүнјасыны дәјишдијини вә бу шәһәрдә дә дәфн едиләҹәји билдирилир.
АБНА Хәбәр Аҝетлијинин редаксија һејәти адындан дәјәрли Мәкарим Ширазиләр аиләсинә, хүсусилә дә Ајәтуллаһ Насир Мәкарим Ширази ҹәнабларына вә Һәмид Мәкарим Ширазијә Аллаһ Тәаладан сәбр диләјир вә дәрин һүзнлә баш сағлығы веририк. Мәрһумун руһу шад вә гәбр еви нурани олсун.
Диггәт: Хәбәрдән Истифадә Етдикдә Мәнбәјә Истинад Лазымдыр!
