Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, АБШ һәрбичиләри Әфганыстандакы ән бөјүк АБШ һәрби базасы олан Баграм базасыны тәрк етмәјә башлајыблар.
Мәлумата ҝөрә, АБШ һәрбчиләри Әфганыстанын пајтахты Кабилдән 80 км шималда јерләшән Баграм базасыны 15 ҝүн әрзиндә тәрк едәҹәкләрини билдирибләр.
Һәрби техниканын “дүшмәнин” әлинә кечмәсинин гаршысыны алмаг бәһанәси илә америкалы әсҝәрләр Баграм базасындакы техникалары мәһв едирләр вә һәр ҝүн 20-30 јүк машын мәһв едилмиш һәрби техникалары базадан кәнара трансфер едирләр.
Әфганыстанын Пәрван әјаләтиндә јерләшән Баграм базасы, Әфганыстанын АБШ тәрәфиндән ишғал едилмәси ҝүндән бәри дәфәләрлә Талибан тәрәфиндән гуру вә ракет һүҹумларына мәруз галмышдыр.
АБШ гошунларынын Әфганыстандан чыхарылмасы просеси 2021-ҹи ил 1 Ијун тарихиндә башлајараг 10 Ијун 2021-ҹи илә илә гәдәр тамамланмалыдыр.
АБШ, Әфганыстандакы һәрби мөвҹудлуғунун ән јүксәк дөврүндә, бу өлкәдә 700 кичик вә бөјүк һәрби базасы вә тәхминән 100.000 әсҝәри вар иди.
Гејд етмәк лазымдыр ки, АБШ-ын Талибан илә 2017-ҹи илин сонларында Гәтәрин пајтахты Доһада имзаланан мүгавиләсинә әсасән, АБШ һөкумәти 14 ај әрзиндә бүтүн гүввәләрини Әфганыстандан чыхармағы өз үзәринә ҝөтүрмүшдү.
Бунун мүгабилиндә Талибан, ИШИД вә Әл-Гаидә дахил олмагла диҝәр террор груплашмаларынын Әфганыстан әразиләриндән АБШ-а вә мүттәфигләринә гаршы әмәлијјатлар үчүн истифадә етмәсинә иҹазә вермәмәји гәбул едәрәк Әфганыстан һөкумәти илә данышыглар апармағы өһдәсинә ҝөтүрмүшдүр.
Диггәт: Хәбәрдән Истифадә Етдикдә Мәнбәјә Истинад Лазымдыр!
