Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Бангладеш полиси 31 Мај, Базар Ертәси ҝүнү Руһинҝијалы пәнаһәндәләрин етираз нүмајиши етдији һагда мәлумат вериб.
Мәлумата ҝөрә, етиразчыларын сајы 4000 нәфәрди вә сығынаҹаг ахтаран руһинҝијалылар БМТ-нин Гачгынлар үзрә Али Комиссарлығынын (БМТ ГАК) нүмајәндәләринин Бенҝал Көрфәзиндәки Баһасан Чар адасына сәфәри заманы нүмајиш едибләр.
Үмумиликдә, бир милјондан чох Роһинҹа мүсәлман гачгын Бангладеш-Мјанмар сәрһәдинә јахын бөлҝәләрдә јашајыр.
Гејд едәк ки, Мјанмар бүтпәрәст ордусу, Роһинҝја мүсәлман азлығыны 2012-ҹи илдән бәри зорла өз ата-баба јурдларындан дидәрҝин салыб. 2020-ҹи илин август ајында Бирләшмиш Милләтләр Тәшкилаты Мјанма ордусунун Руһинҝија мүсәлманларына гаршы әмәлијјатларыны "шүурлу сүрәтдә едилән сојгырым" адландырараг, бу өлкә ордусуна бағлы ширкәтләрә гаршы санксијаларын тәтбиг едилмәсинә тәләб едиб.
Әлбәтдә 2012-ҹи илин илк ајларындан бу ҝүнә кими Мјанма Мүсәлманларына гарш олунан ҹинајәт гурбанлары һаггда әлдә дәгиг статистика мөвҹуд дејил. Лакин гејри рәсми мәлуматлара ҝөрә, 1500-дән артыг Мүсәлман дөвләт органлары вә буддистләр тәрәфиндән сојгырыма мәруз галараг күтләви бастырылыб, 1000,000-а јахын инсан исә өз јурд-јуваларындан дидәрҝин салынараг гачгын һәјаты сүрмәјә вадар олунуб вә 40 мин Мүсәлман фәал рәсми дөвләт грумлары тәрәфиндән мүхтәлиф бәһанәләр илә, һәбс едиләрәк зинданлара салыныб...
Мјанманын Милли Бирлик Тәшкилатынын мәлуматына ҝөрә, тәкҹә 2012-ҹи илин мај ајында Мјанманын гәрбиндә ҝедән тоггушмаларда вә евләрин јандырылмасы нәтиҹәсиндә 100 миндән артыг Мүсәлман евсиз-ешиксиз галыб.
2012 ҹи илдә Иран Ислам Республикасынын Хариҹи Ишләр Назирлијинин сөзчүсү Мјанма һадисәләринә реаксија олараг, Мјанма һөкумәтинин, бејнәлхалг даирәләрин вә Ислам Әмәкдашлыглары Тәшкилатынын дәрһал ҹидди тәдбирләр ҝөрмәләрини истәјиб.
Ислам Әмәкдашлығы Тәшкилатынын баш катиби Әкмәләддин Еһсаноғлу 2013-ҹү илдә дејиб: Өтән 30 илдә Руһинга Мүсәлманлары Мјанмада инсан һагларынын кобуд формада позулмасы, ирги тәмизләмә, сојгырымы, тәҹавүз вә мәҹбури мүһаҹирәт кими ҹидди проблемләрлә үз-үзәдир...
Хатырладаг ки, Мјанмада 3 милјон Руһингалы- Аракан Мүсәлманы јашајыр. Онлар әсасән өлкәнин гәрбиндә мәскунлашыблар. Мүсәлман күтләсинә гаршы сојгырым вә мисилсиз вәһшиликләр бу ҝүнә кими давам етмәкдәдир...
Диггәт: Хәбәрдән Истифадә Етдикдә Мәнбәјә Истинад Лазымдыр!
