Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Әфганыстанын биринҹи витсе-президентинин мәтбуат хидмәти елан едиб: “Әфганыстанын Милли Тәһлүкәсизлик Гүввәләри Кабил шәһәринин мүхтәлиф јерләриндә онларла партлајыш вә террор һүҹумларында иштирак едән “ИШИД” груплашмасынын једди үзвүнү һәбс едиб.”
Бир нәфәрләри гадын олмагла "Шәрифуллаһ, Әбдүл Ваһид, Мәһәммәд Сабир, Әјјуб, Әзиз Рәһим, Әбдүл Мәтин вә Хәдиҹә" адлы 7 нәфәр бу гејд олунан террор груплашмасынын үнсүрләридирләр ки, мүхтәлиф үсулларла 51 партлајышы, о ҹүмләдән ајры-ајрыыгда автомобил, мотосиклләр вә велосипедләрә бомба бағлыјараг террор актлары төрәтмиш, һәмчинин рокет һүҹумлары, адам гачырма вә камикадзе һүҹумларында иштирак етмишләр. Террор үнсүрләри һабелә Шиә Дин алимләринә суи-гәсд етдикләрини вә дини јерләри бомбаладыгларыны да етираф едибләр.”
Әфганыстанын биринҹи витсе-президентинин офиси әлавә едиб: “Бу шәхсләр Кабулун “Деһмәзәнҝ” мәнтәгәсиндәки “Зијалылашдырма Һәракаты”на гаршы силаһлы һүҹум, “Шиш Дәрәк” мәнтәгәсиндә интиһар һүҹуму, Һәҹҹ вә Вәгф идарәсинин ишчиләрини дашыјан автомобилә силаһлы һүҹум, Кабилин “Занбак” мејданында етираз едәнләрә гаршы һүҹумлар тәшкил етдикләринә дә етираф едибләр. Онлар һәмчинин Кабулун мүхтәлиф јерләриндә 20 еви кирајәјә ҝөтүрдүкләринә вә бу евләрдән террорчулары ҝизләтмәк вә мина дүзәлтмәк үчүн истифадә етдикләрини билдирибләр.
Ајрыҹа гејд етмәлијик ки, Милли Тәһлүкәсизлик Гүввәләри Кабил шәһәринин 15 вә 17-ҹи тәһлүкәсизлик бөлҝәләриндә “ИШИД” террорчуларынын мәркәзләринә гаршы апардығы әмәлијјат заманы террорчулардан даһа 5 нәфәри өлдүрүлмүшдү.”
Диггәт: Хәбәрдән Истифадә Етдикдә Мәнбәјә Истинад Лазымдыр!
