АБНА24 Хәбәр Верир, ирәлиләмә Хознавар кәнди истигамәтиндә гејдә алыныб. Лачын вә Ҝорус рајонларынын сәрһәдиндә јерләшән кәнд Гараҝөлә јахын әразидәдир.
Кәндин рәһбәри Варо Григорјан сәрһәд данышыгларынын давам етдирилдијини сөјләјиб. О дејиб ки, Азәрбајҹан Ордусу һазырда кәнддән 2,5 километр узаглыгда мөвге гурублар.
Хатырладаг ки, һазырда Азәрбајҹан-Ермәнистан сәрһәдиндә демаркасија вә делимитасија прсесинин башланылдығы мүзакирә олунур, Русија тәрәфләрә мәсләһәт вермәјә һазырлығыны билдириб. Бунунла белә АБШ илә Франсанын бәјанатлары вәзијјәти бир гәдәр мүрәккәбләшдириб. Вә бу ики дөвләтин сон ҝүнләр Азәрбајҹана гаршы тәзјигләрини артырмалары Бакыда һиддәт доғуруб.
Туран Хәбәр Аҝентлијинин тәһлилиндә белә бир суал гојулуб: “Мәҝәр Азәрбајҹан вә Ермәнстан сәрһәдләрини АБШ мүәјјән едиб ки, инди Азәрбајҹанын ону поздуғуну тәсдиг едир? Америка бу сәртликдә бәјанаты һәтта 1992-93-ҹү илләрдә Азәрбајҹанын једди рајону ишғал едилән заман вермәмишди. Ҝөрүнүр, 10 нојабр анлашмасыны һәзм едә билмәјән АБШ ојундан кәнар галмамаг үчүн “Гарабағын статусу”, “Гарабаға бирбаша јардым” вә с. кими бәјанатларла бир формада просесә дахил олмаг истәјир.
Бу арада Ермәнистанын баш назири Никол Пашинја дүнән парламентдә Азәрбајҹанла сәрһәдләрин разылашдырылмасы илә бағлы јени сәнәдин һазырланмасы барәдә јајылан хәбәрләри тәсдигләјиб.
Пашинјан гејд едиб ки, әҝәр Азәрбајҹан онун шәртләрини гәбул етсә, сөзү кечән сәнәди имзалајаҹаг. Сәнәддә Азәрбајҹанла Ермәнистан арасында сәрһәдләрин демаркасијасына вә делимитасијасына даир мәсәләләри һәлл етмәк үчүн үчтәрәфли ишчи групунун јарадылмасындан сөһбәт ҝедир. Онун иддиасына ҝөрә, ики өлкәнин делимитасија вә демаркасија апарылмалы олан сәрһәдләри чохдур. Вә әҝәр индики ситуасија һәлл едилсә белә, ҝәләҹәкдә аналожи ситуасија јарана биләр.
342/
22 may 2021 - 19:39
Xəbər kodu: 1143399
Азәрбајҹан Ордусу Зәнҝәзурда даһа 1,5 километр ирәлиләјиб.
