АБНА24 Хәбәр Верир, М.Дарафәрин Сәһәр Телеканалы илә ексклүзив мүсаһибәдә дејиб ки, Түркијә халгынын вә сијаси даирәләринин Фәләстинлә бағлы бәјанатларыны тәһгир едән Фазил Мустафа Азәрбајҹанда милләтин вәкили дејил, сионизмин вә масонларын вәкили олдуғуну ҝөстәрди. Бу сәбәдән дә сионизмин парчаланмыш абырыны горумаг үчүн әзиз түрк халгыны тәһгир етмәјә белә һазырдыр.
Депутатын Исраили тәрифләмәсинә ҝәлинҹә, илаһијјатчы бунун тәһлүкәли мәгам олдуғуну вурғулајыб. “Фазил Мустафа Исраили Азәрбајҹанда мүсәлман торпагларыны гәсб едән бир дөвләт кими дејил, ону өлкәмизә модерн силаһлар сатан бир дөвләт кими танытдырыр; һалбуки Азәрбајҹан һәмин силаһлары өз пулу илә алыб вә Исраил бундан хејли газаныб. Мүһарибәдә гәләбә исә силаһын ҝүҹүнә дејил, мәрд оғулларымызын ҝүҹү һесабына әлдә едилди. Она ҝөрә дә сөзү ҝедән режимә миннәтдар олмаг лазым дејил”, -дејә М. Дарафәрин билдириб.
Илаһијјатчы сонда ермәни кешишләриндән Исраил истеһсалы олан силаһларын чыхдығыны хатырладараг сөјләјиб ки, әслиндә Исраил Азәрбајҹана јох, Ермәнистана јардым едиб. Чүнки ермәниләрин белә силаһлары алмаға пуллары јохдур.
Гејд едәк ки, депутат Фазил Мустафа мајын 17-дә Ахар.аз-да дәрҹ олунан мәгаләсиндә Түркијә Ҹүмһуријјәтинин сионист Исраил режими илә бағлы мөвгејини кәскин шәкилдә тәнгид едиб вә бу режими “дост дөвләт” адландырыб.
342/
18 may 2021 - 21:01
Xəbər kodu: 1142299
Илаһијјатчы Мирмеһди Дарафәрин Азәрбајҹан Милли Мәҹлисинин үзвү, депутат Фазил Мустафанын Фәләстиндә баш верән инсан драмы илә әлагәдар фикирләрини сәрт шәкилдә тәнгид едиб.
