АБНА24 Хәбәр Верир, Фәләстин Ислами Ҹиһад Һәрәкатынын баш катиби Зијад Ән-Нәхалә Гүдс һадисәләринә мүнасибәт билдирәркән, дејиб: "Бу һәрәкәтләр гаршысында сусмаг мүмкүн дејил вә дүшмән һәр ан бизим ҹавабымызы ҝөзләмәлидир".
Ән-Нәхалә фәләстинлиләри өзләрини Әл-Әгса мәсҹидинә чатдырмаға вә Исраил режиминин бу мәсҹидә һүҹум етмәји планлашдырдығына хатир мүбарәк Рамазан ајынын 28-дәк ораны тәрк етмәмәјә чағырыб.
Гүдс мәсҹидләри дә Әл-Әгса мәсҹиди вә орадакы намазгыланларын мүһасирәсини позмаг үчүн шәһәр әһалисини бу мәсҹидин јахынлығында үмуми бир сәфәрбәрлијә чағырыблар.
Ејни заманда, Фәләстин Ислами Мүгавимәт Һәрәкаты ҺӘМАС вә бу һәрәкатын Гәззәдәки сијаси бүросунун рәһбәри Исмајыл Һәнијјә бәјанатлар јајараг, ишғалчы режимин Әл-Әгса мәсҹидиндә намазгыланлара гаршы етдикләри илә бағлы хәбәрдарлыг едәрәк, билдирибләр ки, дүшмән Гүдсдә нәтиҹәсиндән хәбәрсиз олдуғу бир ахмаглыг едиб.
Һәмчинин, Фәләстин Мухтаријјәтинин рәһбәри Маһмуд Аббас бејнәлхалг иҹтимаијјәти Фәләстин халгына вә мүгәддәсләринә бејнәлхалг дәстәк үчүн бүтүн мәсулијјәтинә әмәл етмәјә чағырыб.
Фәләстин Өзүнү Идарәетмә Тәшкилатынын баш назири Мәһәммәд Әштијә дә гејд едиб ки, Гүдс вә Шејх Ҹәрраһ һадисәләри фәләстинлиләри дидәрҝин салмаг үзрә систематик сијасәтин јени нүмунәсидир.
Гејд едәк ки, сионист һәрбчиләр вә гәсәбә сакинләри ҹүмә ахшамы ҝүнү Әл-Әгса мәсҹидиндә, Шејх Ҹәрраһ вә Бабәл-Әмуд мәһәлләләриндә фәләстинлиләрә һүҹум едиб, баш верән гаршыдурма нәтиҹәсиндә ән азы 205 нәфәри јараланыб. Даһа өнҹә 178 нәфәрин јараландығы билдирлирди.
342/
8 may 2021 - 20:48
Xəbər kodu: 1139012
Сионист режимин Гүдс сакинләринә вә Әл-Әгса мәсҹидиндәки намазгыланлара һүҹуму фонунда Фәләстин групларынын лидерләри бу режимә тезликлә вәһшиликләринин ҹавабыны алаҹағы илә бағлы хәбәрдарлыг едибләр.
