АБНА24 Хәбәр Верир, Лондонда јерләшән Бәһрејн Һүгуг вә Демократија Институту (БЫРД) Бәһрејн режиминин тәһлүкәсизлик гүввәләринин һәбсханадакы пис рәфтарларына вә пис вәзијјәтләрә етираз едән 35 мәһбуса һүҹум етдикләрини ачыглајыб: “Һүҹум мәһбуслар һәбсхананын дәһлизләриндә отуруб камераларына гајытмагдан имтина етдикдән сонра башлајыб”. Тәшкилат һесаб едир ки, мәһкумлардан бири Сејид Әләви Әл-Вадеи ағыр кәллә-бејин травмасы алдыгдан сонра һүҹум заманы һушуну итириб. Һүҹумдан сонра бәзи мәһбуслар намәлум јерләрә көчүрүлүбләр. Бәһрејндә Демократија вә Инсан Һаглары наминә Америкалылар тәшкилаты да вердији бәјанатында бунлары гејд едиб: “Бәһрејнин Дахили Ишләр Назирлији, һәбсханалардакы сијаси мәһбуслара һүҹум етдикдән сонра мәһкумлара гаршы ҹидди тәһлүкәсизлик вә гануни тәдбирләр тәтбиг етди. Һәбс олунанларын аиләләри, һүҹумдан сонра өвладларыны зијарәт етмәк үчүн һәбсханаја ҝетдиләр, анҹаг онларла ҝөрүшә иҹазә верилмәди вә һәтта онлары чағырмалары да гадаған едилди”. Мәркәз Бәһрејндәки сијаси мәһбуслара гаршы тәзјигләрин артмасы барәдә хәбәрдарлыг едәрәк, Бәһрејнин Гәрб мүттәфигләринин мәһбуслара гаршы һүҹуму гејд-шәртсиз гынамалы олдугларыны вурғулајыб.
342/
