АБНА24 Хәбәр Верир, буну Иран Ислам Республикасынын хариҹи ишләр назири, Һиндистан хариҹи ишләр назири Субраһманјам Ҹајшанкар вә Әфганыстан Милли Тәһлүкәсизлик Тәшкилатынын мәсләһәтчиси Һәмдуллаһ Муһибин дә гатылдығы онлајн топлантыда чыхышы заманы дејиб. М.Зәриф дејиб: "Талибанын планынын Ислам әмирлијинин јенидән гурулмасы олдуғуну билирик. Лакин бу план практик дејил вә бунун үчүн үмуми бир фикир бирлији јохдур. Иран вә бөлҝә өлкәләри Әфганыстанын 90-ҹы илләрә гајытмасына изн вермәјәҹәк". Иранын хариҹи ишләр назири Әфганыстандакы барыш ҝөрүшләри вә Америка Бирләшмиш Штатлары әсҝәрләринин бу өлкәдән ҝери чәкилмәсијлә бағлы да фикрини билдириб. "АБШ-ын Әфганыстандан ајрылмасы мүсбәт аддымдыр. Талибан бу фүрсәти шиддәти артырмаг үчүн истифадә етмәмәли, Әфганыстан һөкумәти илә заман итирмәдән ҹидди мүзакирәләрә башламалыдыр", - дејә Зәриф гејд едиб.
342/
