АБНА24 Хәбәр Верир, Исраил режиминин ордусунун дөјүш тәјјарәләринин һава һүҹуму блокада алтындакы Гәззәнын мүхтәлиф бөлҝәләриндәки бош әразиләрә едилиб. Һүҹум нәтиҹәсиндә өлән вә јаралананларын олмадығы гејд едилир. Сионист ордусунун Твиттер сәһифәсиндә верилән ачыгламада, дөјүш тәјјарәләринин Гәззәдә ҺӘМАС-а аид бәзи мөвгеләрә һава зәрбәләри ендирдији гејд едилиб. Ачыгламада һүҹумун Гәззәдән Исраил режиминә доғру атылан ракетә ҹаваб олараг һәјата кечирилдији вә силаһларын сахланылмасы үчүн истифадә едилән бир објектин, инкишаф мәрһәләсиндә олан зенит ракет бурахылыш саһәсинин вә һүҹумлар үчүн истифадә едилән тунелин һәдәфә алындығы гејд едилиб. Гәззәдән ракет һүҹумуна ҝөрә мәсулијјәти һеч ким үзәринә ҝөтүрмәјиб. Һүҹумла бағлы ҺӘМАС-дан ачыглама верилмәјиб.
342/
