Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Үмүдүнја Әһли Бејт (ә) Ассамблејасынын бејнәлхалг ишләр үзрә мүавини “114 Үмүмдүнја Мүкафаты” адлы фестивалын кечириләҹәји хәбәрини вериб.
Һөҹҹәтүл Ислам вәл-Мүслимин Муһәммәд Ҹавад Зареан бу һагда хәбәр верәрәк билдириб: “Бу мүкафат дүнјанын мүхтәлиф бөлҝәләриндә, үмүдүнја сәвијјәсиндә, һеч бир ҹинс вә јаш фәрги гојулмадан Әһли Бејт (әлејһимус-сәлам) давамчыларынын Гуран Кәрим мәркәзләри, фәаллары вә тәблиғатчылары арасында кечириләҹәк.”
О, билдириб: “Гуран Кәримә әсасланараг Әһли Бејт (әлејһимус-сәлам) вә Ислам Дининин маариф вә мәдәнијјәтинин тәблиғ едилмәси иҹтимаијјәт дахилиндә баланслашдырылмыш Ислам тәлим-тәрбијјәсинин мөһкәмләнмәсинә зәманәт верир. 114 Мүкафат фестивалыи чалышыр ки, сағлам рәгабәт вә мәнәви бир мүһит јаратмагла Гуран вә Итрәт (әлејһимус-сәлам) маарифинин тәблиғини дәринләшдирсин вә асанлашдырсын. Һәмчинин Гуран Кәрим фәалијјәтләри саһәсиндә истедадлы шәхсләри, габагҹыл тәблиғатчылары кәшф етмәклә бу саф истедадларын инкишафы үчүн лазым олан имканат јаратсын.”
Һөҹҹәтүл Ислам вәл-Мүслимин Муһәммәд Ҹавад Зареан гејд олунан мүкафатын үч категоријада 1- Арт-медиа мәһсулларынын истеһсалы, 2- Арт-медиа мәһсулларынын пајланмасы, 3- Тәблиғат вә танытым тәдбирләринин кечирилмәсинә ишарә едәрәк билдириб: “Мүсабигәдә иштирак едән һәр бир иштиракчы фестивалын бир вә ја даһа чох категоријаларында, әсәрләрин сајына мәһдудијјәт гојулмадан иштирак едә биләр.”
Үмүдүнја Әһли Бејт (ә) Ассамблејасынын бејнәлхалг ишләр үзрә мүавини дүнјанын мүхтәлиф бөлҝәләриндә олан Гуран Кәрим мәркәзләри, фәаллары вә тәблиғатчыларыны кечириләҹәк фестивалда иштирак етмәјә дәвәт етмәклә јанашы дејиб: “Марагланан шәхсләр даһа чох мәлумат әлдә етмәк үчүн бу сајты www.114award.ir зијарәт едә биләрләр.”
Диггәт: Хәбәрдән Истифадә Етдикдә Мәнбәјә Истинад Лазымдыр!
