АБНА24 Хәбәр Верир, иддиачылар федерал тәнзимләјиҹи органларын сәлаһијјәтләринин ҝенишләндирилмәсинин ҹидди игтисади зијана сәбәб ола биләҹәјини дүшүнүрләр. Миссури штатынын баш прокурору Ерик Шмитт тәрәфиндән ирәли сүрүлән иддиаја Арканзас, Аризона, Индиана, Канзас, Монтана, Небраска, Оһајо, Оклаһома, Ҹәнуби Каролина, Теннеси вә Јута штатларындан олан һәмкарлары гошулублар. Вәсатәтдә гејд олунур ки, федерал сәлаһијјәтлиләр истихана газларынын иҹтимаи хәрҹләри үчүн рәгәмләри тәсдигләјә биләр вә бу, сонрадан федерал тәнзимләјиҹиләрин мүддәалары дәјишдирмәсинә вә јениләрини тәтбиг етмәсинә әсас олаҹаг, тәбии ки, бу да өлкәнин ади сакинләри үзәриндә әлавә малијјә јүкү јарадаҹаг. Иддиачыларын фикринҹә, фәрман һакимијјәт бөлҝүсү принсипини позур. Вәсатәтдә ҝөстәрилән Бауденин ишчи групунун аралыг һесабламаларына ҝөрә, бу ҹүр иҹтимаи хәрҹләрин үмуми мәбләғи 9,5 трилјон АБШ долларыдыр. Хатырладаг ки, Бајден вәзифәсинин иҹрасына башладығы илк ҝүндә өлкәсинин истихана газларынын һәҹминдә көклү азалманы нәзәрдә тутан Парис Иглим Сазиши чәрчивәсиндә ҝөтүрдүјү өһдәликләрә гајытмасы илә бағлы фәрман имзалајыб. Һалбуки 2018-ҹи илдә о заман Ағ Евин саһиби олан Доналд Трамп Америка игтисадијјатынын инкишафыны ләнҝитдијини дүшүндүјүнә ҝөрә разылашмадан чәкилмәјә гәрар вермишди.
342/
