АБНА24 Хәбәр Верир, Иран Силаһлы Гүввәләринин Баш Гәрарҝаһ рәиси Түркијә ордусунун һәрби гүввәләриндән бир групунун бир вертолјот гәзасында һәјатыны итирмәси мүнасибәтилә Түркијә силаһлы гүввәләринин баш гәрарҝаһ рәисинә вә бу өлкәнин мүдафиә назиринә башсағлығы вериб. Түркијә ордусунун бир әдәд вертолјотунун гәзаја уғрамасы вә бу өлкәнин гуру гошунларынын бир команданы да дахил олмагла Түркијәнин он бир һәрбчисинин өлүмүнүн ардынҹа Иран Силаһлы Гүввәләринин Баш Гәрарҝаһ рәиси ҝенерал-мајор пасдар Моһәммәд Багери ҹүмә ҝүнү бир месажда һәмин гәза илә бағлы Түркијә Силаһлы Гүввәләринин Баш Гәрарҝаһ рәиси Јашар Ҝүләрә вә бу өлкәнин мүдафиә назири Һулуси Акара башсағлыгы вериб. Иран Силаһлы Гүввәләринин Баш Гәрарҝаһ рәисинин мүраҹиәтиндә/ гејд олунан һадисә илә бағлы тәәссүф вә кәдәр ифадә олунараг, һадисәдә бәдән хәсарәти аланлара сағламлыг арзу едилиб, һәјатларыны итирәнләр үчүн исә Аллаһ-Тааланын дәрҝаһындан илаһи рәһмәт вә мүсибәт чәкәнләрә сәбир вә тәмкинлилик диләнибдир.
342/
