АБНА24 Хәбәр Верир, Авропа Иттифагы Русијанын Баш прокурору, Истинтаг Комитәсинин рәһбәри, Ҹәзалара Нәзарәт үзрә Федерал Хидмәтин рәһбәри вә “Росгвардија”нын рәисинә санксија тәтбиг едиб. Сәјаһәт гадағасы вә һесабларын дондурулмасыны өзүндә еһтива едән санксијалар бу ҝүндән гүввәјә минир. Бундан әлавә, АИ-дәки шәхсләрин вә тәшкилатларын, бирбаша вә ја долајы јолла санксија тәтбиг олунанлары вәсаитлә тәмин етмәси гадағандыр. Бунунла бағлы Русија Дөвләт Думасы вә Федерасија Шурасы АИ-нин јени санксијаларына мүнасибәт билдириб. Думанын бејнәлхалг мәсәләләр үзрә комитәсинин сәдр мүавини Алексеј Чепа санксијалары нонсенс адландырыб. Федерасија Шурасынын бејнәлхалг мәсәләләр үзрә комитәсинин сәдр мүавини Владимир Ҹаббаров исә өлкәсинин бу санксијалара ҹаваб вермәли олдуғуну вурғулајыб вә дејиб ки, бу ҹаваб санксијалары Авропа Иттифагы өлкәләринин һәр биринә аид олаҹаг.
342/
