АБНА24 Хәбәр Верир, сәфәр Түркијәнин витсе-президенти Фуат Октајын дәвәти әсасында баш тутаҹаг. Сәфәр чәрчивәсиндә Түркијә Президенти Рәҹәб Тајјиб Әрдоған Ә. Әсәдову гәбул едәҹәк. Ф. Октај вә Ә. Әсәдов Түркијә-Азәрбајҹан Игтисади Әмәкдашлыг үзрә Комиссијанын иҹласы чәрчивәсиндә Хариҹи Игтисади Әлагәләр Гурумунун тәшкилатчылығы илә кечириләҹәк вә һәр ики өлкәдән 150 өзәл сектор нүмајәндәсинин гатылаҹағы Түркијә-Азәрбајҹан Иш Форумунун үмуми иҹласында иштирак едәҹәкләр. Түркијә-Азәрбајҹан Игтисади Әмәкдашлыг үзрә Комиссијанын иҹласы исә февралын 19-да кечириләҹәк. Ф. Октај вә Ә. Әсәдов комиссијанын иҹласына гатылаҹаглар. Түркијәнин витсе-президенти вә Азәрбајҹанын Баш назиринин тәкбәтәк вә ҝениш тәркибдә ҝөрүшләри олаҹаг, бундан сонра ики өлкә арасында мүгавиләләр имзаланаҹаг. Иҹтимаи вә өзәл сектор саһәсиндә тиҹарәт анлашмаларынын әһатәсинин 100 млн. АБШ доллары үзәриндә олмасы ҝөзләнилир.
342/
