АБНА24 Хәбәр Верир, бу барәдә өлкәнин Дахили Ишләр Назирлијиндән билдирилиб. Мәлумата әсасән, буна сәбәб баш назир Ҝиорҝи Гахаријанын истефа вермәсидир. Гејд едәк ки, һөкумәт башчысынын истефасы хәбәри ВМҺП-нин офисиндә алгышларла гаршыланыб. Хатырладаг ки, 2019-ҹу илин ијунунда Тбилисидә “Гаврилов ҝеҹәси” кими танынан полис-вәтәндаш гаршыдурмасына тәһрик етмәклә иттиһам едиләрәк сахланылан Ника Мелија 30 мин лари ҝиров гаршылығында шәрти азадлыға бурахылыб вә електрон голбаг васитәсилә нәзарәтдә алыныб. Партија рәһбәри өтән ил нојабрын 20-дә иҹтимаи гајдада електрон голбағыны чыхарыб. Нәтиҹәдә онун ҝиров мәбләғинә 40 мин лари әлавә едилиб вә мәбләғин өдәнилмәси үчүн 5 феврал 2021-ҹи ил тарихинәдәк 50 ҝүн мөһләт вериб. Н.Мелија ҝирову өдәмәкдән имтина едиб вә баш прокурор онун тохунулмазлығынын ҝөтүрүлмәси үчүн парламентә мүраҹиәт едиб. Н.Мелија өтән илин декабрында сабиг президент Михеил Саакашвилинин әсасыны гојдуғу мүхалиф "Ваһид Милли Һәрәкат” партијасынын сәдри сечилиб. Партија өтән илин октјабрында кечирилән 10-ҹу чағырыш парламент сечкиләриндә 150 парламент јериндән 36-ны әлдә етсә дә, сечкиләрин нәтиҹәләрини танымадығыны вә мандатларындан имтина етдијини бәјан едиб. Тбилиси Шәһәр Мәһкәмәси баш прокурорлуғун мүраҹиәти әсасында, өдәнилмәмиш 70 мин лари ҝиров мүгабилиндә әвәзетмә тәдбири олараг, Ника Мелијанын һәбс едилмәси илә бағлы гәрар гәбул едиб. Мәһкәмә иҹласы 6 саата јахын давам едиб. Н.Мелија просесдә иштирак етмәјиб. Мүхалифәт лидерләри вә тәрәфдарлары ВМҺП-нин мәркәзи офисиндә топлашыблар. Онлар Ника Мелијанын һәбсинә имкан вермәјәҹәкләрини билдирибләр.
342/
