АБНА24 Хәбәр Верир, Г.Әли Пурмәрҹан Аз. Р. Милли Китабханада олмасындан шад олдуғуну ифадә едәрәк, ики гардаш халгын Милли Китабханалары арасындакы мөвҹуд әлагәләри даһа да мөһкәмләндирмәјин әһәмијјәтини гејд едиб. О Билдириб ки, ики өлкә арасында олан әмәкдашлығы инкишаф етдирмәк, бирҝә јени лајиһә вә тәдбирләр кечирмәк әсас мәгсәдләрдән биридир. Г. Әли Пурмәрҹан бу илин “Низами Ҝәнҹәви или” олмасыны гијмәтләндирәрәк Низами һаггында јени китабларын нәшр едилмәсини, еләҹә дә ики өлкә китабханаларында олан әдәбијјатлар үзрә сәрҝи кечирилмәсинин ваҹиблијини вурғуламышдыр. О, билдириб ки, Низами Ҝәнҹәвинин “Хосров вә Ширин” әсәри тәрҹүмә олунараг нәшр едилиб.Һәмчинин, “Једди ҝөзәл” әсәринин дә тәрҹүмә олундуғуну вә бу јахынларда нәшр едиләҹәјини билдириб. Сонра, ҹәнаб Г.Әли. Пурмәрҹан онлајн китаб лајиһәсинин әһәмијјәтиндән бәһс едәрәк өлкәләр арасы бејнәлхалг китаб мүбадиләсинин әһәмијјәтиндән, еләҹә дә китабларын електронлашдырылмасындан данышыб. Ҝөрүш заманы китабхананын директору проф. Кәрим Таһиров, онларын Азәрбајҹан Милли Китабханасында олмасындан мәмнунлуғуну гејд едәрәк һәр ики өлкәнин милли китабханалары арасында гаршылыглы әмәкдашлыгдан данышараг сон илләрдә бу әлагәләрин зәифләдијини билдирмиш вә Азәрбајҹан вә Иран Милли Китабханалары арасында бағланмыш әмәкдашлыг һаггында Меморандумун јениләнмәсинә еһтијаҹ олдуғуну вурғулајыб. К.Таһиров һәмчинин, Азәрбајҹан вә Иран Милли Китабханалары арасында бејнәлхалг китаб мүбадиләси ишинин дә ҝүҹләндирилмәсинә бөјүк еһтијаҹ олдуғуну Г.Әли. Пурмәрҹан диггәтинә чатдырыб.
342/
