АБНА24 Хәбәр Верир, Иран Хариҹи Ишләр Назирлијинин Сјаси Мәсәләр үзрә мүавини дејиб: Теһран Фарс Көрфәзи бөлҝәсинин тәһлүкәсизлији барәдә јалныз һеч бир хариҹи мүдахилә олмадан бөлҝә өлкәләрилә данышмаға һазырдыр. Сејјед Әббас Әрагчи Күвејтин хариҹи ишләр назири Шејх Әһмәд Насир әл-Әһмәд Әссәбаһ илә ҝөрүшдә Американын нүвә анлашмасына еһтимал олунан гајыдышы гаршысында Иран Ислам Республикасынын сијасәтини шәрһ едиб. Билдириб ки, нүвә анлашмасы вә ја бу анлашмадан кәнар мөвзулар барәдә һеч бир мүзакирә мөвҹуд олмајаҹаг. Амма бүтүн тәрәфләрин нүвә анлашмасынын иҹрасына гајыдышы тәрзи «беш үстәҝәл бир» формасында мүзакирә олуна биләр. Әрагчи бу ҝөрүшдә Күвејтин Фарс Көрфәзи өлкәләри арасында анлашма вә сазишин бәргәрары саһәсиндәки сәјләрини јүксәк гијмәтләндириб. О, бөлҝәдә коллектив тәһлүкәсизлик үзрә ики мүһүм принсип кими бөлҝәдән кәнар өлкәләрин мүдахилә етмәмәләри вә диалог кими ики елементә тәкид едиб. Ҝөрүшдә ики өлкәнин мәшвәрәтләринин давам етмәсини алгышлајан Күвејтин хариҹи ишләр назири Шејх Әһмәд Насир әл-Әһмәд Әссәбаһ да бөлҝә өлкәләри арасында диалог вә мүзакирәни ихтилафларын арадан галдырылмасы үчүн јеҝанә мүнасиб һәлл јолу адландырыб. О, һәмчинин Күвејтин ики өлкә мүнасибәтләринин мүхтәлиф саһәләрдә инкишаф етдирилмәсинә олан ирадәси вә марағына тәкид едиб.
342/
