АБНА24 Хәбәр Верир, Аз. Р. Хариҹи Ишләр Назирлији (ХИН) Мәтбуат хидмәти идарәсинин рәиси Лејла Абдуллајева АПА-ја ачыгламасында билдириб ки, Түркијә тәрәфи илә гаршылыглы әлагәләндирмә әсасында нәшин вәтәнә ҝәтирилмәси үчүн мүвафиг тәдбирләр һәјата кечириләҹәк. Түркијәнин Габондакы Сәфирлијинин васитәчилији илә ҹәсәд пајтахт шәһәр Либревилә ҝөндәриләҹәк: "Даһа сонра нәшин Түркијә Һава Јолларынын илк учуш рејси илә, јәни 26 јанвар тарихиндә Түркијә үзәриндән Азәрбајҹана јола салынмасы планлашдырылыр". Хатырладаг ки, јанварын 23-дә Түркијә ширкәтинә мәхсус "Мозарт" адлы ҝәмијә Ниҝерија саһилләриндә дәниз гулдурлары тәрәфиндән һүҹум едилиб. Ҝәмидә олан 19 нәфәрдән 15-и ҝиров ҝөтүрүлүб, 1 нәфәр исә өлдүрүлүб. Өлдүрүлән шәхс азәрбајҹанлы мүһәндис Фәрман Исмајыловдур.
342/
