АБНА24 Хәбәр Верир, Әли Шәмхани бу ҝүн Теһранда Азәрбајҹан Республикасынын хариҹи ишләр назири Ҹејһун Бајрамовла ҝөрүшдә Азәрбајҹан Республикасы илә Ермәнистан арасында сүлһүн бәргәрар едилмәси вә ишғал олунмуш әразиләрин бир һиссәсинин өз әсас јеринә гајытмасындан севинҹ ифадә едәрәк, Иранын техники-мүһәндислик баҹарыглары вә тәҹрүбәләринә әсасән Азәрбајҹан Республикасынын азад едилмиш вә мүһарибәдән зијан чәкмиш бөлҝәләринин бәрпа едилмәсиндә иштирака мараглы олдуғуну елан едиб. Шәмхани билдириб ки, Теһран-Бакы әлагәләри мүмкүн олан ән јүксәк сәвијјәјә галдырылмалыдыр. О, сонра дејиб: Бирҝә лајиһәләрин баша чатдырылмасы, икитәрәфли мүгавиләләрин иҹрасы вә мүхтәлиф саһәләрдә јени әмәкдашлыгларын башланмасы даһа ҹидди сәјләр тәләб едир. Иран Али Милли Тәһлүкәсизлик Шурасынын катиби һәмчинин АБШ-сионист режим-ИШИД милитарист-террорист үчбуҹағынын шәр һәрәкәтләрини бәјан едәрәк, онларын Гәрби Асија бөлҝәси хүсусијјәт тәшкил етмәклә дүнјанын һәр бир нөгтәсиндәки иштиракыны хәсарәт ҝәтирән вә боһран јарадан, онларын бөлҝәдән чыхмаларыны исә сабитлик вә асајишә сәбәб олаҹаг амил адландырыб. Азәрбајҹан Республикасынын хариҹи ишләр назири дә бу ҝөрүшдә Иран Ислам Республикасынын принсипиал сијасәтинә, һәмчинин Ислам Ингилабынын Бөјүк Рәһбәри Һәзрәт Ајәтуллаһулузма Хаменеинин Гарабағ бөһранына вә бу бөлҝәнин ишғалына сон гојулмасына даир алиманә мөвгејинә ҝөрә тәшәккүр едиб. Теһран-Бакы әлагәләри вә әмәкдашлыгларынын инкишаф етдирилмәси ваҹибилијини вурғулајан Ҹејһун Бајрамов Азәрбајҹан Республикасынын мүхтәлиф саһәләрдә гаршылыглы мүнасибәтләр сәвијјәсини јүксәлтмәјә һазыр олдуғуну билдириб. Бајрамов бундан өнҹә Иранын хариҹи ишләр назири Мәһәммәд Ҹавад Зәриф вә Иран Ислам Республикасынын президенти Һәсән Руһани илә ҝөрүшүбдүр.
342/*
