АБНА24 Хәбәр Верир, Мәһәммәд Ҹавад Зәриф бу ҝүн Теһранда Ҹејһун Бајрамовла ҝөрүшдә Гарабағда атәшкәс вә Азәрбајҹан Республикасы әразиләринин ишғалынын арадан галдырылмасы истигамәтиндә баш верән ирәлиләјишләри рәғбәтлә гаршылајыб. Зәриф һәмчинин Иран Ислам Республикасынын Гафгаз бөлҝәси гаршысында динҹ јанашы јашамаја сөјкәнән принсипиал сијасәтләрини шәрһ едәрәк, сијаси һәлл јолу вә диалог васитәсилә бөһранын бирдәфәлик олараг һәлл едилмәсинә тәкид едиб. Азәрбајҹан Республикасынын хариҹи ишләр назири дә иранлы алим Моһсен Фәхризадәнин шәһадәти мүнасибәтилә башсағлығы вериб, бу террор һәрәкәтини писләјәрәк, Иран Ислам Республикасынын Гарабағ бөһраны гаршысындакы принсипиал мөвгеләри, һәмчинин Теһранын Азәрбајҹан Республикасы әразиләринин ишғалынын арадан галдырылмасына дәстәк вермәсинә ҝөрә тәшәккүр едиб. О, Иранын Гарабағ бөһраны гаршысындакы сијасәтини мүвазинәтли сијасәт адландырыб. Иран вә Азәрбајҹан Республикасынын хариҹи ишләр назирләри һәмчинин ики өлкәнин бирҝә игтисади комиссијасынын иҹласынын кечирилмәси, шимал-ҹәнуб вә шәрг-гәрб коридорлары, Рәшт-Астара дәмирјолу вә Худафәрин су бәндинин истифадәјә верилмәси, иҹра едилмәкдә олан лајиһәләр, тәһлүкәсизлик вә сәрһәд әмәкдашлыглары, Азәрбајҹан Республикасынын азад едилмиш бөлҝәләринин бәрпасы лајиһәләри, ики өлкәнин Хәзәр дәнизиндә вә бејнәлхалг тәшкилатлардакы һәмкарлыглары, икитәрәфли әлагәләрин даһа да ҝенишләндирилмәси, һәмчинин тәрәфләри марагландыран диҝәр мәсәләләр әтрафында фикир мүбадиләси апарыблар. Азәрбајҹан Республикасынын хариҹи ишләр назири Иранын президенти Һәсән Руһани вә Али Милли Тәһлүкәсизлик Шурасынын катиби Әли Шәмхани илә дә ҝөрүшүбдүр.
342/
