АБНА24 Хәбәр Верир, Иран Ислам Шурасы Мәҹлисинин сәдри Моһәммәд Багер Галибаф дејиб: "Гәрблиләр әмин олсунлар ки, нүвә анлашмасындакы өһдәликләринә әмәл етмәјәҹәкләри заманадәк Иран бу јолу давам етдирәҹәкдир" . Иран Ислам Шурасы Мәҹлисинин үзвләри «Санксијаларын Ләғв Едилмәси вә Иран Халгынын Һүгугларынын Горунмасы үзрә Стратежи Фәалијјәт» лајиһәсинин күллијаты вә деталларыны гәбул едибләр. Моһәммәд Багер Галибаф мәҹлисин ачыг иҹласында гејд олунан лајиһәнин гәбул едилмәсиндән разылыг ифадә едәрәк, дејиб: "Бир нечә илдир ки, Теһран нүвә анлашмасына әсасән, биртәрәфли өһдәликләри иҹра едир, амма гәрбли тәрәфләр өз өһдәликләриндән һеч биринә садиг галмајараг, бу өһдәликләрә әмәл етмәјибләр" . Галибаф билдириб ки, Иранын өһдәликләри јериндә галырды, амма онларын гаршылығында Гәрбин өһдәликләри иҹра едилмирди. О, сонра белә гејд едиб: "Иран Ислам Шурасы Мәҹлиси биртәрәфли јолдакы һәр һансы гәрара сон гојду вә әлбәттә, бу лајиһәдә нүвә анлашмасындакы өһдәликләринә әмәл етмәләриндән өтрү гәрблиләр үчүн бир фүрсәт јарадылыбдыр" . «Санксијаларын Ләғв Едилмәси вә Иран Халгынын Һүгугларынын Горунмасы үзрә Стратежи Фәалијјәт» лајиһәси доггуз маддәдән ибарәтдир.
342/
