АБНА24 Хәбәр Верир, Иран Ислам Республикасы Силаһлы Гүввәләринин Али Баш Команданы Иранда низам-интизам гүввәләри һәфтәси мүнасибәтилә вердикләри мүраҹиәтдә бу гүввәләрин ишчиләринин зәһмәтләри вә сәјләрини јүксәк гијмәтләндирибләр. Иран Ислам Республикасы Силаһлы Гүввәләринин Али Баш Команданы Һәзрәт Ајәтуллаһулузма Хаменеи чәршәнбә ахшамы ҝүнү Иранын низам-интизам гүввәләринин команданы бригада ҝенералы пасдар Һүсејн Әштәријә үнванладыглары мүраҹиәтдә белә гејд едибләр: Мәним саламымы низам-интизам гүввәләринин бүтүн ишчиләри вә хидмәтчиләринә чатдырын. Һәзрәт Ајәтуллаһулузма Хаменеи сонра вурғулајыблар: Бизим әзиз халгымыз өзүнә вә өлкәјә хидмәт ҝөстәрәнләрин арды-арасы кәсилмәјән сәјләри вә зәһмәтләринә ҝөрә миннәтдардыр вә бу ҝүн гүдрәт вә меһрибанлығы бирҝә шәкилдә Иран Ислам Республикасынын низам-интизам гүввәләриндә һисс едир вә бу гүввәләрин чиркин һәрәкәтләрлә мүбаризә саһәсиндәки тәшәббүсләрини алгышлајыр. Иранда низам-интизам гүввәләри һәфтәси октјабрын он сәккизиндән «Һамы тәһлүкәсизлик вә сағламлыг уғрунда!» шүары илә башланыб.
342/
