АБНА24 Хәбәр Верир, Ҹәнаб Вилајәти Теһранда нәшр олунмуш Кејһан гәзети илә мүсаһибәдә дејиб: Азәрбајҹанын ишғал олунмуш әразиләри бошалмалыдыр. Бүтүн өлкәләрин әрази бөтөвлүјүнә һөрмәт едилмәси БМТ низамнамәсинин принсипләриндән биридир вә биз дә тәшкилатын үзвү олараг , она садигиг. Аз. Р-нын Ҹәнбу һиссәси, тәхминән 7 рајон Ермәнистан тәрәфиндән ишғал едилиб. Бунунла бағлы олараг БМТ тәһлүкәсизлик Шурасы 4 гәтнамә гәбул едиб ки, онларын һамысында Азәрбаҹјанын бу бөлҝәләрини ишғал етмиш ермәниләрин бејнәлхалг сәрһәдләринә гајтмасы тәләб олунур. БМТ үзвү олараг Ермәнистанын ишғал олунмуш әразиләри Азәрбајҹана гајтармасыны истәјирик. Бу әразиләрин ишғалы нәтиҹәсиндә 1 милјондан чох азәрбајҹанлы көчкүн дүшүб вә тезликлә вәтәнләринә гајтымалыдырлар. Јәни Фәләстинин Сионист режим тәрәфиндән ишғалына гаршы чыхдымыз кими бурада да ејни мөвгедәјик. Әли Әкбәр вилајәти әлавә едиб : “Нөвбәти мәсәлә будур ки , һәрб һәлл јолу дејил, мүнагишә сијаси јолла һәлл олунмалыдыр. Буна ҝөрә дә , киминсә һәрби әмәлијјат кечирмәсинә гаршыјыг. Чүнки бу мүһарибәнин иткиси инсанлардыр, хүсусән сон заманлар јашајиш мәнтәгәләринин бомбаландығыны нәзәрә алсаг. Бу мүһарибә ики өлкә халгынын мәнафејинә вә бөлҝәнин тәһлүкәсизлијинә зиддир.” Онун сөзлләринә ҝөрә ,кәнардакы бәзи гүввәләр о ҹүмләдән Сионист Исраил режими вә Түркијә мүһарибәни көрүкләјирләр. Түркијәнин мүһарибәдә исрарлы олмасы баша дүшүлмүр. Бу өлкә Азәрбајҹан Республикасынын ишағал алтында галан бүтүн шәһәрләринин азад едилмәси шәртилә мүһарибәнин сона чатмасына көмәклик ҝөстәрмәлидир. Сионист режимә ҝәлинҹә исә, әсасы гејри-леҝиттим олан вә башгасынын јәни Фәләстинин торпагларыны ишғал етмәклә гурулан режимин бу барәдә данышмаға белә һаггы јохдур. Бу режимин бөлҝәдә фитнә салмагдан башга иши јохдур. Она ҝөрә дә онун Гафгазда иштиракы јолверилмәздир. Вилајәти сонра Түркијә һөкумәтинә бунлары төвсијә едиб: Ҝәлин одун үстүнә јағ төкмәк јеринә көмәк един ки биз , сиз вә диҝәр реҝион өлкәләринин иштиракы илә мәзлуму һимајә едәк. Аз. Р-нын ишғал олунмуш рајонларынын азад едилмәсинә көмәклик ҝөстәрәк вә чалышаг ки ишғал олунмуш әразиләр иткисиз азад олунсун. Беләликлә дә Түркијә тәрәфләрдән бирини мүһарибәјә тәшвиг етмәк јеринә һәр ики тәрәфи сүлһә тәшвиг етсин. Әлбәттә ки , гәсб олнумуш һүгугларын гајтарылмасы, хүсусилә дә даһа чох зәрәр етмиш азәрбајҹанлыларын ишғал олунмуш шәһәрләринин ҝери гајтарылмасы тәмин олунмалыдыр. Танынмыш дипломатын фикринҹә тәрәфләрдән бири һәрби ҹәһәтдән һимајә олунарса , диҝәри дә башгаларынын һимајәсини ҹәлб едәҹәк вә һәссас Гафгаз бөлҝәси бөһран оҹағына чевриләҹәкдир. Она ҝөрә дә Гафгазын тәһлүкәсизлији мәсәләсиндә мүдрик олмаг лазымдыр. Ингилаб Рәһбәринин мүшавири сонра дејиб:”Һәм Ермәнистанын , һәм дә Аз.Р-нын гоншуларыјыг . Бу гоншуларын бир-бири илә дөјүшмәмәси бизим марағымыздадыр. Ермәнистан бизим гоншумуздур вә Аз.Р. илә дин, дил,тарих вә мәдәнијјәтдә чох охшар ҹәһәтләримиз вар. Иран Ислам Республикасы вә Азәрбајҹан Республикасы кими аз сајда өлкә бу ортаг ҹәһәтләрә маликдир вә бир-биринә бу гәдәр јахындыр. Биз Азәрбајҹанын талејиндән тамамилә нараһат олуруг вә һесаб едирик ки, әрази бүтөвлүјү горунмалы вә ишғал олунмуш әразиләр бошлалмалыдыр. Бизи Ермәнистанла гоншујуг вә гоншулугда узун бир ортаг тарихимиз вар вә нә ермәниләрин,нә дә азәрбајҹанлыларын итирмәсини истәмирик. Аз.Р-нын позулмуш һүгуглары тәмин едилмәли, ишғал олунмуш әразиләри она гајтарылмалы вә ган төкүлмәсинә сон гојулмалыдыр. Ислам Республикасы бу ики гоншу өлкә арасында васитәчилик вә сүлһ үчүн һеч бир көмәји әсирҝәмәјәҹәкдир.” Әли Әкбәр Вилајәти мүсаһибәсинин давамында Франсанын Гарабағ мәсәләсиндә мүдахиләсинә дә мүнасибәт билдириб вә дејиб: “Бу мәсәләнин Франсаја аидијјәти јохдур. Биз бу барәдә данышырыгса ,ики өлкәнин гоншусујуг вә халгларынын талејиндән ниҝараныг. Биз имкан верә билмәрик ки , бөлҝәдә тәһлүкә јарансын вә реҝиондан кәнар гүввәләр ҝәлиб Иранын шималында ,Ҹәнуби Гафгазда тәһлүкәсизлији позсунлар. Биз гәтијјән белә һалларын гаршысыны алаҹағыг. Биз һесаб еидирк ки ишғал олунмуш торпагларын бошалдылмасы сүлһүн бәргәрарына вә һәр ики дөвләтин марагларына ҹаваб верәҹәкдир.” Мүсаһибәнин сонунда Ҹәнаб Вилајәти тәкфирчи террорист групларын бөлҝәјә ҝәтирилмәси барәдә јајылан шајиәләрдән данышыб: “Үмид едирик ки, бу мәлумат дүзҝүн олмасын. Әкс тәгдирдә мәсулијјәт ИШИД вә Әл-Гаидә кими екстремист групларын Гафгаза ајагларыны ачан дөвләтләрин үзәринә дүшәҹәкдир. Зира ИШИД вә вәһһаби ифратчылар Американын ојунҹаглаырдыр. Бунун гаршысыны алмаг лазымдыр вә гәтијјән Азәрбајҹан вә Ермәнистан халглары Ираг вә Суријада олмазын ҹинајәтләр төрәтмиш, һәм дә јахшы нијјәти олмајан тәкфирчиләрин һәссас бөлҝәјә ҝәлмәләринә разы олмазлар. Ола билсин ки бәзи дөвләтләр бөлҝәјә нүфуз етмәк үчүн тәкфирчиләрин бурада јерләшдирилмәсиндән мараглыдырлар. Әҝәр бу , доғру оларса , ИИР там гәтијјәтлә өз тәһлүкәсизлијини вә сәрһәдләрини мүдафиә едәҹәк. АБШ вә Ысраилин ојунҹағы олан террор групларынын Иран сәрһәдләринә јахын јердә јува гурмасына имкан вермәјәҹәкдир. Иранын буна гүдрәти вар. Ираг вә Суријада мәрһум Шәһид Сүлејмани ИШИД тәкфирчиләрини мәһв етмишдисә, Иран халыг вә дөвләти һәмин ирадәни өзүндә сахлајыр . Әҝәр кимсә террорчулары тәһрик етмәклә Ирана зијан вурмаг истәјирсә, билсин ки , буна дөзмәјәҹәјик. Биз бадхаһ гүввәләр тәрәфиндән јарадылан тәһлүкәләрин гаршысында мөһкмә дајанаҹағыг.”-дејә Ингилаб Рәһбәринин мүшавири вурғулајыб.
342/
