АБНА24 Хәбәр Верир, Азәрбајҹан Республикасынын Президенти "Әл-Әрәбијә" телеканалына мүсаһибәсиндә дејиб: " Бир нечә ҝүн әввәл мән ермәни халгына мүраҹиәт етдим ки, өз һөкумәтинизи етдикләринә ҝөрә мәсулијјәтә ҹәлб един, өвладларынызы Азәрбајҹана, ишғал олунмуш әразиләрә ҝөндәрмәјин. Бу ишғала сон гојун. Азәрбајҹан әразисини тәрк един. Өз торпағынызда јашајын вә онда биздә сүлһ олаҹаг." О гејд едиб ки, бу ҝүн гондарма “Дағлыг Гарабағ ордусу”нун 90 фаизи Ермәнистан вәтәндашларындан ибарәтдир. Илһам Әлијев һәмчинин дејиб ки, торпагларымыз ишғалдан азад оландан сонра Азәрбајҹан вә ермәни халгларынын әввәлки нормал әлагәләрини бәрпа етмәјә чалышаҹаг: "Биз јенидән Азәрбајҹан вә ермәни халгларынын әввәлки нормал әлагәләрини бәрпа етмәјә чалышаҹағыг. Биз чалышарыг. Бу, асан олмајаҹаг, лакин биз чалышарыг гоншу олаг, јанашы јашајаг. Бу, неҹә дејәрләр, мәним ермәни халгына сөзүмдүр. Ермәнистан һөкумәтинә дејәси сөзүм јохдур. Мән онларын нә етмәли олдуғуну артыг дедим. Әҝәр онлар атәшкәс истәјирләрсә, бизим гаршымызда үзр истәјин, бизә чыхмагла бағлы вахт ҹәдвәли верин, садәҹә сөзләр јох ки, биз буну дајандыраҹағыг вә данышыглар апараҹағыг. Бу, ишләмәјәҹәк. Онларын һансы әразини нә вахт азад едәҹәкләри илә бағлы вахт ҹәдвәли - биринҹи ҝүн, икинҹи ҝүн, үчүнҹү ҝүн. Бизим мүгәддәс Шуша торпағында өз бандасы илә рәгс етмәклә вә “Гарабағ Ермәнистандыр” демәклә азәрбајҹанлыларын һиссәләрини тәһгир етмиш Ермәнистанын баш назири үзр истәмәли вә демәлидир ки, “Гарабағ Ермәнистан дејил”. Мәним сөзүм будур".
342/
