АБНА24 Хәбәр Верир, тәрәфләр сөһбәт заманы Дағлыг Гарабағ мүнагишәси зонасындакы вәзијјәти һәртәрәфли мүзакирә едибләр. Мәлуматда гејд олунур ки, һәр ики тәрәф дәрһал атәшкәсә әмәл едилмәсинә вә ҝәрҝинлијин азалдылмасына, тәхрибатчы вә дөјүшә чағыран риторикалардан чәкинмәјә чағырыблар. Данышыг заманы һәмчинин Серҝеј Лавров Русијанын һәм милли кејфијјәтдә, һәм дә АТӘТ-ин Минск групунун һәмсәдр өлкәләриндән бири кими Дағлыг Гарабағ мүнагишәсинин сијаси-дипломатик јолларла һәллинә дәстәк үчүн васитәчилик сәјләри ҝөстәрмәјә давам едәҹәјини вурғулајыб. Назирләр сонра бөлҝә өлкәләринин, хүсусән дә Азәрбајҹан вә Ермәнистанын гоншуларынын тәрәфләрин данышыглар масасына тезликлә гајытмасы үчүн әлверишли шәраитин јарадылмасында ојнаја биләҹәји мүһүм ролу гејд едибләр.
342/
