АБНА24 Хәбәр Верир, буну Алманија Хариҹи Ишләр Назирлији "Авропа Тројкасы"нын бәјанатына истинадла бәјан едиб. Алманијанын Хариҹи Ишләр Назирлији АБШ-ын "Тәтик" механизминдән истифадә едәрәк, БМТ-нин Иран әлејһинә санксијаларыны бәрпа етмәк үзрә сәјләринин һеч бир гануни әсасы олмадығыны вурғулајыб. Алманија Хариҹи Ишләр Назирлији өз Твиттер сәһифәсиндә Авропа Тројкасынын АБШ-ын БМТ-дә Иран әлејһинә санксијалары бәрпа етмәк үзрә сәјләринин гәбуледилмәз олмасына даир бәјанатыны дәрҹ едәрәк, јазыб: АБШ-ын 8 мај 2018-ҹи илдә нүвә анлашмасындан чыхды вә анлашма чәрчивәсиндә әмәкдашлыгдан имтина етди. Буна ҝөрә дә АБШ-ын "Тәтик" механизминдән истифадә етмәк истәмәси һеч бир гануни әсса малик дејил. Биз һәлә дә нүвә анлашмасынын горунмалы олдуғуна инанырыг. Иран илә нүвә анлашмасында олан 3 Авропа өлкәси АБШ-ын Иран әлејһинә БМТ-нин санксијаларынын бәрпа едилмәсинә даир иддиасына реаксија олараг Тәһлүкәсизлик Шурасынын 2231 сајлы гәтнамәсинә садиг галаҹагларыны елан едибләр. Франса, Алманија вә Британија тәрәфиндән верилән бирҝә бәјанатда АБШ-ын 8 мај 2018-ҹи илдә нүвә анлашмасындан чыхдығына вә бу анлашма илә әмәкдашлыға сон гојдуғуна тәкид едибләр.
342/
