АБНА24 Хәбәр Верир, "Зүлфәгар 99" бирҝә һәрби тәлимләринин әсас мәрһәләси Иранын Силаһлы Гүввәләринин дәниз, һава, һава һүҹумундан мүдафиә гүввәләри вә гуру гошунларынын иштиракы илә ики километрлик бир саһәдә Һөрмүз боғазынын шәрг сулары, Мәкран саһилләри, Оман дәнизи вә Һинд океанынын шималындан, он дәрәҹә шимал орбитинә тәрәф бир әразидә бу ҝүн башлајыб вә үч ҝүн мүддәтинә давам едәҹәк. Иран Силаһлы Гүввәләринин "Зүлфәгар 99" бирҝә тәлимләринин команданы контр-адмирал Һәбибуллаһ Сәјјари дүнән бу тәлимләрин үч мәрһәдә информасија үстүнлүјү, тактита вә ҝүҹ нүмајиши саһәсиндә иҹра олдуғуна ишарә едәрәк, дејиб: "Сәтһ, суалты вә учуш ҝәмиләри вә Иран Ордусунун Дөјүш Тәшкилатынын силаһ-сурсат вә техникаларынын бир һиссәси бу тәлимләрдә иштирак едир ки, онларын ән әһәмијјәтлиси јерли истеһсал олан "Фатиһ" суалты гајыг вә узагмәнзилли "Симург" Пилотсуз Учуш Апаратыдир". Контр-адмирал Сәјјари реҝион вә бејнәлхалг су јолларынын тәһлүкәсизлијини вә она нәзарәти тәмин етмәјин тәлимләрин һәдәфләриндән бири олдуғуну билдирәрәк, дејиб: "Гәрби Асијанын вә һәјати вә стратежи су јолларынын тәһлүкәсизлији, реҝионун бүтүн өлкәләринин конструктив иштиракы, әҹнәбиләр вә реҝиондан кәнар өлкәләрин бурада иштиракына вә бу сулара нәзарәт етмәсинә мане олмаг вә тәһлүкәсизлијин јерлиләшдирилмәсиндән асылыдыр вә Иран сон 40 илдә һәмишә дахили имканлара вә ҝәнҹ, мәсулијјәтли вә мөмин гүввәләрдән истифадә етмәклә буну ҝерчәкләшдирмәк ардынҹа олуб".
342/
