АБНА24 Хәбәр Верир, Иран Ислам Республикасы президенти Һәсән Руһани бу ҝүн гоншу өлкәләрлә әлагәләрин даһа да ҝүҹләндирилмәси јолларыны арашдырмаг мәгсәдилә Теһранда, "Гоншулар илә әлагәләрин инкишафы" мөвзусунда кечирилән икинҹи иҹласда чыхышы заманы дејиб: "Реҝион халгларынын мәдәни вә тарихи бағлары гоншу өлкәләрин әмәкдашлыг сәвијјәсинин даһа да инкишаф етдирилмәси вә ҝүҹләндирилмәси, һәмчинин реҝион халглары вә дөвләтләринин ортаг марагларынын тәмини үчүн мөһкәм бир тәмәлдир". Руһанинин сөзләринә ҝөрә, Иран һәмишә гардаш вә дост гоншу өлкәләрин халглары вә һөкумәтләринин јанында олуб вә онларла реҝионал вә икитәрәфли әлагәләрин ҝенишләндирилмәсини дәстәкләјибдир. Руһани сонра дејиб: "Реҝионда аһәнҝдар игтисадијјат сүлһ вә тәһлүкәсизлијин бәргәрар едилмәсинә өз төһфәсини верәҹәкдир". Иран Ислам Республикасы президенти реҝион халглары арасында ҝедиш-ҝәлишин тәшвиги вә туризмин инкишафы, бирҝә инвестисија гојулушу вә гоншу өлкәләр арасында банк вә малијјә әмәкдашлыгларынын ҝенишләндирилмәсини, әлагәләрин даһа да инкишаф етдирилмәси үчүн мүһүм вә дәјәрли бир аддым кими дәјәрләндириб. Ҝөмрүк, нәглијјат вә әмтәә малларынын мүбадиләси саһәсиндә Иранын өзәл секторунун гоншу өлкәләрлә әмәкдашлыглары, Руһанинин сөзү ҝедән иҹласда вурғуладығы диҝәр мәсәләләр иди.
342/
