АБНА24 Хәбәр Верир, Мәһәммәд Ҹавад Зәриф бу гүрурлу гәләбә мүнасибәтилә бу ҝүн Ливанын хариҹи ишләр назири вә Ливан Һизбуллаһынын баш катибинә үнванладығы мүраҹиәтләрдә Ливанын һөкумәти вә халгыны тәбрик едиб. Сионист режим ордусу илә Ливан Һизбуллаһы гүввәләри арасындакы 33 ҝүнлүк мүһарибә 2006-ҹы илин ијулунда башланды вә елә һәмин илин 14 августунда Ливан Һизбуллаһынын зәфәри илә баша чатды. Сионист режим ағыр тәләфат вә хәсарәтләрә уғрајараг, бу савашдан ҝери чәкилди. Иранын хариҹи ишләр назири Мәһәммәд Ҹавад Зәриф Ливан рәсмиләрилә ҝөрүшмәк, һәмчинин бу өлкәнин халгы вә һөкумәти илә һәмрәјлик ифадә етмәк мәгсәдилә дүнән ахшамчағы Бејрута дахил олуб вә Ливанын ишләринин ирәлиләдилмәси һөкумәтинин хариҹи ишләр назири Шәрбәл Вәһбә тәрәфиндән гаршыланыб. Зәриф Ливан рәсмиләрилә ҝөрүшләрдә Иранын јардымлары ҝедиши, һәмчинин ики тәрәфи марагландыран мәсәләләр барәдә данышаҹаг.
342/
