АБНА24 Хәбәр Верир, Азәрбајҹан Мүдафиә Назирлијинин мәтбуат хидмәтиндән верилән мәлумата әсасән Ермәнистан силаһлы гүввәләринин бөлмәләри ҹәбһәнин мүхтәлиф истигамәтләриндә иричаплы пулемјотлардан вә снајпер түфәнҝләриндән дә истифадә етмәклә сутка әрзиндә атәшкәс режимини 35 дәфә позуб. Азәрбајҹан МН билдириб ки, Ермәнистан Республикасы Берд рајонунун Ајгепар, Чинари вә Ајгедзор кәндләриндә јерләшән мөвгеләрдән Товуз рајонунун Әлибәјли, Ағдам, Коханәби вә Мунҹуглу кәндләриндә, Чәмбәрәк рајону әразисиндәки адсыз јүксәкликләрдә јерләшән мөвгеләрдән Ҝәдәбәј рајонунун Заманлы кәндиндә вә адсыз јүксәкликләрдә јерләшән Азәрбајҹан ордусунун мөвгеләри атәшә тутулуб. Тәртәр рајонунун ишғал алтында олан Чиләбүрт, Ағдам рајонунун Јусифҹанлы, Мәрзили, Фүзули рајонунун Гараханбәјли, Һорадиз кәндләри јахынлығында, һәмчинин Тәртәр вә Хоҹавәнд рајонлары әразисиндәки адсыз јүксәкликләрдә јерләшән мөвгеләрдән дә Азәрбајҹан ордусунун мөвгеләри атәшә тутулуб.
342/
