АБНА24 Хәбәр Верир, Ираг медиалары дүнән ҝеҹә Ираг халг сәфәрбәр гүввәләри- Әлһәшдүшшәбијә вә федерал полис гүввәләринә мәхсус олан бу өлкәнин пајтахты Бағдадын ҹәнубунда јерләшән Әлсәгр казармасында бир нечә партлајышын баш вермәсиндән хәбәр верибләр. Ираг мүһарибә информасијалары мәркәзи адландырылан мәркәз вә бу өлкәнин мүштәрәк әмәлијјат команданлығы мәркәзи, партлајышларын сәбәбини һәмин казарманын анбарында силаһларын гејри-мүнасиб еһтијат едилмәси вә чохлу истилик елан едибләр. Бунунла белә, Ираг парламентиндә Сәдр ҹәрәјанына аид олан Әлсадигијјун фраксијасынын нүмајәндәси Һәсән Салим Әлсәгр казармасында баш верән партлајышларын ПУА һүҹумларындан ирәли ҝәлдијини билдириб. Гејд едиб ки, бу һәрәкәт Ирагын суверенлијинин Америка тәрәфиндән бир даһа позулмасы демәкдир. Ираг һөкумәтиндән бу һакимијјәт позунтусуна дәрһал ҹаваб вермәсини истәјән Һәсән Салим дејиб ки, Әлказими һөкумәти Ираг парламентинин хариҹи гүввәләрин бу өлкәдән чыхмаларына даир гәрарыны јеринә јетирмәјә борҹлудур. Әлһәшдушшәби-дәки мәнбәләр дә Ираг мүһарибә информасијалары мәркәзи адландырылан мәркәз вә бу өлкәнин мүштәрәк әмәлијјат команданлығы мәркәзи тәрәфиндән елан олунан сәбәбә шүбһә илә јанашыб вә дүнән ҝеҹә баш вермиш партлајышларын өнҹәки партлајышларла бағлы олдуғуну билдирибләр. АБШ вә сионист режим индијәдәк бир нечә дәфә Әлһәшдушшәбинин Ирагын мүхтәлиф бөлҝләләриндәки мөвгеләрини һәдәфә алыблар.
342/
