АБНА24 Хәбәр Верир, һесабатда билдирилир ки, Русиjа Британиjаны Гәрбдәки ән мүһүм кәшфиjjат һәдәфләриндән бири һесаб едир. Вурғуланыб ки, Москванын кибер саһәсиндәки имканлары исә Британиjа үчүн ҹидди нараһатлыг доғуран бир мәсәлә олараг өлкәнин милли тәһлүкәсизлиjинә ҹидди вә тәҹили тәһлүкә jарадыр: “Русиjанын 2014-ҹү илдә Шотландиjанын мүстәгиллик референдуму заманы тәсир кампаниjаларына башладығына даир ачыг мәнбәли шәрһ вар. Бундан башга, Москванын 2016-ҹы ил “Брехит” референдумуна тәсир ҝөстәрмәjә чалышдығы иддиаларыны сүбут етмәк чәтин олса да, мүмкүн иди. Анҹаг Британиjа һөкумәти тәһлүкәнин мөвҹудлуғуну танымагда jаваш давранды”. Һесабатда геjд едилиб ки, Владимир Путинин рәһбәрлиjи алтында Русиjа беjнәлхалг һүгуга риаjәт етмәк истәмәjәрәк Британиjа үчүн потенсиал мүттәфиг мөвгеjиндән узаглашыб вә мүәjjән тәһлүкә jаратмаға башлаjыб: “2006-ҹы илдә Александр Литвиненконун өлдүрүлмәси вә 2014-ҹү илдә Крымын илһагы бунун бариз ҝөстәриҹиләри иди”. Һесабатда Русиjанын Британиjа кәшфиjjатыны ҹидди сынагларла үз үзә гоjдуғуну, хариҹи ҹасусларла мүбаризә үчүн jени ганунвериҹилик тәтбиг едилмәли олдуғу да билдирилиб.
342/
