АБНА24 Хәбәр Верир, Суриjанын Сечкиләр үзрә Али Мәһкәмә Комитәси үчүнҹү чағырыш парламент сечкиләринин кечирилмәси просеси илә бағлы бир ашыглама вериб. Ачыгламада деjилир: "Суриjа халгы ики мин jүз намизәд арасындан 250 депутатын сечилмәси үчүн сечки мәнтәгәләринә ҝедәҹәкләр". Суриjанын Сечкиләр үзрә Али Мәһкәмә Комитәсинин билдирдиjинә әсасән, Суриjанын бүтүн вилаjәтләри үзрә 7 мин 313 сечки мәнтәгәси фәалиjjәт ҝөстәрәҹәк. Һәләб, Дәмәшг вә Һомс вилаjәтләри мүвафиг олараг, 52, 29 вә 32 депутатла илә Суриjа парламентиндә ән чох jерә саһибдирләр. Суриjанын 14 вилаjәти вардыр. Бу өлкә халгы 250 депутаты дөрд ил мүддәтинә сечирләр. Суриjанын илк парламент сечкиләри конститусиjа дүзәлишиндән сонра 2012-ҹи ил маj аjынын 7-дә вә икинҹи чағырыш парламент сечкиләри исә 2016-ҹы ил апрелин 13-дә кечирилиб. Суриjанын үчүнҹү чағырыш парламент сечкиләри бундан әввәл коронавирусун jаjылмасы сәбәбиндән ики дәфә тәхирә салыныб.
342/
