АБНА24 Хәбәр Верир, Иран Ислам Республикасы Президенти Һәсән Руһани бу ҝүн Назирләр Кабинетинин иҹласында, коронавирус пандемиjасындан ирәли ҝәлән проблемләр вә санксиjалара рәғмын, инфлjасыjанын азалмасы вә нефтдән асылы олмаjараг, игтисади артымын геjдә алынмасына ишарә едәрәк, хатырладыб: "Иран АБШ гаршысында һеч вахт тәҹрид олмаjыб вә олмаjаҹаг да вә игтисади артым просеси давам едәҹәк". Әһатәли Мүштәрәк Тәшәббүс Програмынын имзаланмасынын бешинҹи илдөнүмүнә тохунан Иран президенти АБШ һөкумәтинин бу анлашмадан ганунсуз чыхмасыны сионистләр, реҝионун мүртәҹе башчылары вә АБШ-дакы ифратчыларын мәнһус үчбуҹағынын сәjләринин нәтиҹәси кими характеризә едиб вә деjиб: "Иранын сүлһсевәр олмасынын сүбута jетмәси, нечә jүзиллик анти-Иран тәблиғатларынын етибарсыз олмасы, дүшмәнләрин Иранын милли тәһлүкәсизлиjинә хәләл ҝәтирмә ҹәһдләринин ифласа уғрамасы вә Тәһлүкәсизлик Шурасынын Теһрана гаршы санксиjаларынын ләғв едилмәси нүвә анлашмасынын наилиjjәтләриндәдир ки, АБШ-ын сәjләринә бахмаjараг, бу ҝүнә гәдәр горунуб сахланыбдыр. Дөвләт башчысы сонда Ирана гаршы силаһ ембаргосунун ләғв едилмәсини беjнәлхалг һүгугу вә чохтәрәфлилиjи горумаг үчүн атылан бир аддым кими дәjәрләндириб вә вурғулаjыб: "Рәсми Теһран бу саһәдә бүтүн һәрәкәтләри диггәтлә изләjир". "4+1 групунун үзвләри jәни Русиjа, Чин, Инҝилтәрә, Франса вә Алманиjа, һәмчинин Авропа Бирлиjинин Хариҹи Сиjасәт вә Тәһлүкәсизлик мәсәләләри үзрә Али Нүмаjәндәси дә билмәлидирләр ки, бу ҝүн мәсәлә тәкҹә Иранын онларла вә реҝион өлкәләри илә әлагәләри деjил вә әҝәр диггәтлә әмәл етмәсәләр чохтәрәфлилиjә ҹидди зиjан дәjәҹәк вә һамы зиjана дүшәҹәк", -деjә иран президенти әлавә едиб.
342/
