АБНА24 Хәбәр Верир, Ислам Ингилабынын Бөjүк Рәһбәри Һәзрәт Аjәтуллаһулузма Хаменеи Һәмас һәрәкатынын сиjаси бүросу сәдри Исмаил Һәниjjәjә үнванланан вә бу ҝүн jаjылан мәктубда Фәләстин мүгавимәтинин Ислам Үммәтинин башыуҹалығына сәбәб олан Американын вә сионист режимин фитнәләрилә мүбаризәдәки аддымларыны jүксәк гиjмәтләндирәрәк, билдирибләр: Дөjүш меjданында ағыр мәғлубиjjәтләрә уғрамыш зәлил дүшмән өз експансианист стратеҝиjасыны вә фәләстинлиләрин мүтләг һүгугларыны позмағы игтисади тәзjиг вә мәзлум Гәззәни мүһасирә етмәк, сонра исә мүзакирә, сүлһ вә сазиш планы илә изләjир. Һәзрәт Аjәтуллаһулузма Хаменеи сонра белә геjд едибләр: Мүгавимәт ҹәрәjаны вә шүҹаәтли Фәләстин халгы ағыл вә тәҹрүбә мәнтиги илә дүшмәнләрин тәһдид вә тамаһкарлыгларына дөзмәди вә кечмишдә олдуғу кими, өз нүмунәви мүгавимәтилә иззәт вә шәрәф jолуну кечди вә бундан сонра да елә бу дүз jолда һәрәкәт едәҹәкдир. Ислам Ингилабынын Бөjүк Рәһбәри бу мәктубда дүшмәнин нәһс планларынын зәрәрсизләшдирилмәси үчүн фәләстинли ҹәрәjанларын вә Фәләстин халгынын бирлиjи вә саjыглығынын горунмасы ваҹиблиjини вурғулаjараг, белә геjд едибләр: Иран Ислам Республикасы кечмишдә олдуғу кими Ислам Ингилабынын дәjәр принсипләринә сөjкәнән дини-инсани вәзифәси кими мәзлум Фәләстин халгынын һимаjә едилмәси, онун һүгугларынын бәрпасы, һәмчинин сахта вә гәсбкар сионист режимин шәринин дәф олунмасы истигамәтиндә әлиндән ҝәләни әсирҝәмәjәҹәкдир.
342/
